Jerita Unggas Lari
Selamat Malam Bala bakih sereta pemacha, betemu baru kitai berapa lama apin ka udah. Empai lama tua ilau nemuai ngagai sida Unggas. Sigi baka sida sekaban, nama begempuru sigi nadai jerita bukai, ngenang jerita antu aja. Diatu bala anak menyadi, anak petunggal Unggas ke gawa di Ulu Sungai Menyan sama berikan ngau ketanah magang, nya alai sida gagit amat. Urang di menua gaga laban ari ke berikan ngau gawa ketanah bala anak suah agi pulai ke menua. Lebuh ke berandau sebedau sida ngirup tiga sekawan ba ruai betabas ka upa lalis ngau upa pait, Unggas lalu nusi tanah ke diungkup apai enggau indai iya ke seduai apai ilau berimbai enggau pendam. Sekali lebuh sida biak suba kala sida be apai indai lari meda utai ta guyap-guyap semak babas mua ka pendam. Nemu nya tudah apai Enting ngiga daun sabung semak nya. Apai Enting enggau indai Enting benung ngumpul buah ngau upa. Seduai nadai nemu takut ku sida, seruran bemalam sebelah tanah. Nama ka tinduk seduai ngelamun tubuh enggau buah ngau upa