Jerita Bujang Liba (Tusun 1)
(Jerita Bujang Liba)
Bujang Liba lalu begari, masukka sirat tak memekat kanggan sepuntang; masukka sirat kabu baka iku tekalau kumpang; ngena tengkelai dimbai ba pun berang; masukka engkerimuk nyentuk pelepetan puang; ngena kelambi baka sida Ulu Ai Menyan ngambi ngabang; nyau ngena tempugu bulu kenyalang; ngena ketapu seribu belah tunjang.”
Nya alai orang masuk ngepan ke selalu dinga kitai tau ge kena nimbal tu, baka “Peda ukir ke besenagir tengan belakang, kelingai ke berintai lengan takang, saan iya sumpitan sumpit tapang, tangkin berangin pedang panjang.”
“Bujang Liba ti bejalai endang sigi kering nunda pating ranggas empiang; sigi lempung nunda puchong tanggung gumbang; sigi lasit nunda sumpi terus direjang; sigi tegar nunda nunda inal leka senapang! Agi beguyat babas, udah datai di munggu sigi! Laju meh pejalai Bujang Liba, nyau enda berasai, hari pan deka tengah hari, iya datai di dampa rega rusa, langkau rega tajau…”
Nyadi keno ko jerita Bujang Liba tu kala nampok, laban ke bisi bisa endar niat dalam ati ka ngetan ka manua. Diak leboh malam kembong, Bujang Liba tu bisi mimpi betemu enggau aki lang sengalang burung diasoh nampok ba tuchung bukit, nadai kala pansa urang, diak bujang liba diasoh besampi madah ka diri udah datai.
Pandak ka agi jerita, dia Bujang Liba Diasoh nampok alai Telaga Kumang bisi tiga menoa aja alai endor Panggau Libau tu kala bepindah kelia. Dia ko aki lang sengalang burong ngasoh bujang liba tu nampok semalam aja ba sigi sigi menoa nya tadi, alai baka nya laban bujang liba semina diasoh ngambi Batu burung aki lang ke ditinggal ka aki lang ba piring.
Diak bujang liba betemu enggau kumang dibai kumang ke menoa apai sida di gelong, enda berasai mih tudah liba tu tadi semina nyingkang dua kaki bejalai udah datai ba tangga Rh panjai urang gelong. dia liba dibai kumang ka ruai")
Tampung baru jerita Liba tu ila, aku pan deka nemu nama penyadi liba tu tadi, tauka dibai apai kumang nyabong kini, kitai pan enda nemu.
(Jerita keling ngayau)
Nyadi lebuh sida Keling kelia deka nurun ngayau, Keling empu sigi selalu nyampi. Leka sampi sereta sada kangau iya kurang lebih munyi tu:-
Oo ni kita petara aki, kita petara ini?
Petara apai, petara indai, petara lama,
petara suba? Nyenguk kitai tuntun rusuk,
bediri tuntun ati, meda tuntun pala!........
Ari langit kitai nilik, ari bukit kita malik, ari sungai kitai mudik, mudik sebuah bangkung, undur sebuah buong........
Aku tu ukai ngangau ngapa ngangau pia,
aku tu deka ngayau mulau bala, deka nyerang numbangka menua, ngagai langit mit mesai kerepit binggai tanggi, ngagai gerejang bintang baka bulang teku taji!.......
Aku tu minta tulung minta bandung,
kita petara lama, petara suba,
petara ti dulu, petara ti mabu!.........
Awakka utai mudah, awakka utai gerah!.........
Awakka utai leligah, awakka................,
ngelaban aku ila, sa anchung selung bebelit,
sa apai sabit bekait!.......
Awakka aku ila, ngayau mulau bala,
nyerang numbangka menua......
Ngerung baka langit,
ngentunchung baka bukit,
Awakka aku baka kuma belumba dua,
baka senggal tingkah telaga,
awakka gayu ku sentuku,
nadai apa ku petara........”)
Ninga nya guntur lalu temepur kaya betinggang, ujan lalu nelian labuh nyerepang. Ari nya Keling nemu diri agi bisa ari tuba ulih ngali, agi mang ari kepayang rendam sepagi.
Udah bala sida Keling datai ba rumah munsuh, dia Apai Pandak Segatak Dikumbai Indai Iya Taji Tabak Tengah Kelang seduai Renggan Jengkuan Tali Tipang, lalu manjung nempayung remang, nyada munyi nanjak bunga pasang begemang, nyerais nyau rais-rais munyi menaul lang.
Lebuh ensera ngenang orang ke bamuk bepantap, kitai selalu ninga genteran jaku munyi tu:
“Bepantap meh sida munyi ti mepat madang rasau; ngentum munyi ti beribun ikan Ketungau. Pantap kiba rawai lima, pantap ka mua rawai tiga, pantap kanan rawai lapan, pantap ka belakang enda alah bilang.”
Dalam ensera sida Keling enggau bala iya ari Panggau Libau sigi enda kala alah. Udah sida menang, ensera seruran madah sida sigi manjung dulu apin datai di rumah ngambika orang indu sedia enggau keresa kena niki antu pala.
Dia Keling nyampi baru nyau deka semunyi enggau sampi apin ngayau tadi. Mina ba ujung iya bisi lain mimit, iya baka:
“aku tu ukai ngangau ngapa,
ngangau pia, aku tu miau ading,
miau piring, Miau begela miau jawa,
Aku tu datai pulai ngayau, pulai mulau bala, nyerang numbing menua,
Aku tu deka niki ka antu pala,
Awakka aku tu ila, entuchung baka bukit, ngerung baka langit; baka Kuma belumba Dua, baka senggal tingkah telaga,
baka tuchung Rabung benama......”
Sida pan enda tau enda begawai enchabuh arung, alai antu pala nya dibai ke tanju. Sida Keling enda tau enda nabur beras kuning nuju tunga menua munsuh sida di langit mit mesai kepit kapir lelabi, di gerenjang bintang baka bulang teku taji.
Nyadi kitai ke macha pan sama besampi minta petara aki petara ini kitai ngenataika jereki, pengerai, reta pengaya awakka kitai bela idup lantang senang nguan menua.
#NgirupKupi
#AusBerapaAriTu
#KenangLemambang
#OliverJang
Bujang Liba lalu begari, masukka sirat tak memekat kanggan sepuntang; masukka sirat kabu baka iku tekalau kumpang; ngena tengkelai dimbai ba pun berang; masukka engkerimuk nyentuk pelepetan puang; ngena kelambi baka sida Ulu Ai Menyan ngambi ngabang; nyau ngena tempugu bulu kenyalang; ngena ketapu seribu belah tunjang.”
Nya alai orang masuk ngepan ke selalu dinga kitai tau ge kena nimbal tu, baka “Peda ukir ke besenagir tengan belakang, kelingai ke berintai lengan takang, saan iya sumpitan sumpit tapang, tangkin berangin pedang panjang.”
“Bujang Liba ti bejalai endang sigi kering nunda pating ranggas empiang; sigi lempung nunda puchong tanggung gumbang; sigi lasit nunda sumpi terus direjang; sigi tegar nunda nunda inal leka senapang! Agi beguyat babas, udah datai di munggu sigi! Laju meh pejalai Bujang Liba, nyau enda berasai, hari pan deka tengah hari, iya datai di dampa rega rusa, langkau rega tajau…”
Nyadi keno ko jerita Bujang Liba tu kala nampok, laban ke bisi bisa endar niat dalam ati ka ngetan ka manua. Diak leboh malam kembong, Bujang Liba tu bisi mimpi betemu enggau aki lang sengalang burung diasoh nampok ba tuchung bukit, nadai kala pansa urang, diak bujang liba diasoh besampi madah ka diri udah datai.
Pandak ka agi jerita, dia Bujang Liba Diasoh nampok alai Telaga Kumang bisi tiga menoa aja alai endor Panggau Libau tu kala bepindah kelia. Dia ko aki lang sengalang burong ngasoh bujang liba tu nampok semalam aja ba sigi sigi menoa nya tadi, alai baka nya laban bujang liba semina diasoh ngambi Batu burung aki lang ke ditinggal ka aki lang ba piring.
Diak bujang liba betemu enggau kumang dibai kumang ke menoa apai sida di gelong, enda berasai mih tudah liba tu tadi semina nyingkang dua kaki bejalai udah datai ba tangga Rh panjai urang gelong. dia liba dibai kumang ka ruai")
Tampung baru jerita Liba tu ila, aku pan deka nemu nama penyadi liba tu tadi, tauka dibai apai kumang nyabong kini, kitai pan enda nemu.
(Jerita keling ngayau)
Nyadi lebuh sida Keling kelia deka nurun ngayau, Keling empu sigi selalu nyampi. Leka sampi sereta sada kangau iya kurang lebih munyi tu:-
Oo ni kita petara aki, kita petara ini?
Petara apai, petara indai, petara lama,
petara suba? Nyenguk kitai tuntun rusuk,
bediri tuntun ati, meda tuntun pala!........
Ari langit kitai nilik, ari bukit kita malik, ari sungai kitai mudik, mudik sebuah bangkung, undur sebuah buong........
Aku tu ukai ngangau ngapa ngangau pia,
aku tu deka ngayau mulau bala, deka nyerang numbangka menua, ngagai langit mit mesai kerepit binggai tanggi, ngagai gerejang bintang baka bulang teku taji!.......
Aku tu minta tulung minta bandung,
kita petara lama, petara suba,
petara ti dulu, petara ti mabu!.........
Awakka utai mudah, awakka utai gerah!.........
Awakka utai leligah, awakka................,
ngelaban aku ila, sa anchung selung bebelit,
sa apai sabit bekait!.......
Awakka aku ila, ngayau mulau bala,
nyerang numbangka menua......
Ngerung baka langit,
ngentunchung baka bukit,
Awakka aku baka kuma belumba dua,
baka senggal tingkah telaga,
awakka gayu ku sentuku,
nadai apa ku petara........”)
Ninga nya guntur lalu temepur kaya betinggang, ujan lalu nelian labuh nyerepang. Ari nya Keling nemu diri agi bisa ari tuba ulih ngali, agi mang ari kepayang rendam sepagi.
Udah bala sida Keling datai ba rumah munsuh, dia Apai Pandak Segatak Dikumbai Indai Iya Taji Tabak Tengah Kelang seduai Renggan Jengkuan Tali Tipang, lalu manjung nempayung remang, nyada munyi nanjak bunga pasang begemang, nyerais nyau rais-rais munyi menaul lang.
Lebuh ensera ngenang orang ke bamuk bepantap, kitai selalu ninga genteran jaku munyi tu:
“Bepantap meh sida munyi ti mepat madang rasau; ngentum munyi ti beribun ikan Ketungau. Pantap kiba rawai lima, pantap ka mua rawai tiga, pantap kanan rawai lapan, pantap ka belakang enda alah bilang.”
Dalam ensera sida Keling enggau bala iya ari Panggau Libau sigi enda kala alah. Udah sida menang, ensera seruran madah sida sigi manjung dulu apin datai di rumah ngambika orang indu sedia enggau keresa kena niki antu pala.
Dia Keling nyampi baru nyau deka semunyi enggau sampi apin ngayau tadi. Mina ba ujung iya bisi lain mimit, iya baka:
“aku tu ukai ngangau ngapa,
ngangau pia, aku tu miau ading,
miau piring, Miau begela miau jawa,
Aku tu datai pulai ngayau, pulai mulau bala, nyerang numbing menua,
Aku tu deka niki ka antu pala,
Awakka aku tu ila, entuchung baka bukit, ngerung baka langit; baka Kuma belumba Dua, baka senggal tingkah telaga,
baka tuchung Rabung benama......”
Sida pan enda tau enda begawai enchabuh arung, alai antu pala nya dibai ke tanju. Sida Keling enda tau enda nabur beras kuning nuju tunga menua munsuh sida di langit mit mesai kepit kapir lelabi, di gerenjang bintang baka bulang teku taji.
Nyadi kitai ke macha pan sama besampi minta petara aki petara ini kitai ngenataika jereki, pengerai, reta pengaya awakka kitai bela idup lantang senang nguan menua.
#NgirupKupi
#AusBerapaAriTu
#KenangLemambang
#OliverJang
Ulasan
Catat Ulasan