Jerita Bujang Liba (Tusun 11)

Ba ensera Jerita Bujang Liba tu bisi belajar penemu ari Keling enggau Bungai Nuing, leboh sida Keling pulai ngayau suba. Diak bujang liba dibai Keling belajar penemu Ia, enti tubuh beserara, nemu besambung baru, semina nya aja penemu diberi Keling ngagai Bujang Liba. Udahnya dibai Bungai Nuing belajar penemu kuntau ia.

Ba jerita bujang liba tu ngembuan mayuh bengkah kuntau diajar, ukai semina ari Keling enggau Bungai Nuing aja. Diajar apai ambu ia empu, sereta diajar bala apai keling ari sida Gemuring Gading, Andak enggau Bujang berani bukai. Diak Bujang Liba tu bisi mega diajar sengalang burung, selempandai, sempulang gana enggau petara Manang penemu bekuntau, bepantap, nikau sangkoh, manjuk sereta nemu bebali baka sida Keling, Laja, Bungai Nuing enggau sida kabukai, ukai semina ari Panggau Libau enggau Gelong aja. Tang pemayuh nya tadi enda ulih disebut ditu.

Bujang Liba tu bisi mega diajar madik ambu ia empu Lulong, ngembuan penemu ulih ngasoh urang indu tesat dalam bilik ia enti deka tama bilik Bujang Liba. Tauka enti diperening sida ka indu ulih ngasuh ati gidan ngenang enggai bebadu, enti dua kali merening deka jadi enggau Bujang Liba. Nyadi Bujang Liba tu bisi ngembuan Nyabur Lulong, diberi Lulong ke Bujang Liba. Tang maya ngayau, Nyabur Lulong tu enda suah disintak ia.

Ba jerita, seduai ia semina besangkuh enggau tungkat aja nadai ngena ilang. Diak Bujang Liba alu ngeleka tungkat ia alu engkecit numpu dada Remaong Gerasi tang Remaong Gerasi terkinsit mimit aja. Nyadi tubuh Bujang Liba tu mit ari Remaong Gerasi tang Bujang Liba tu kering isi.

Berekak seduai nadai ngira orang ke benung berpantap alu seduai berjamah naka pemendar alu berpambuk pambuk ngena batu besai, berpaluk paluk ngena pun kayu, datai ba anak sungai, sungai nyau keruh naka pemalat. Seduai berekak naka pengingar ngujung tanah berasai berenyang, kampung puang nyau tawas alai seduai berekak.

Nyadi Keling meda aja ari jauh alu ngembing pengayau bukai enggau Guntur alu sida majak semajak ngansak berbunuh ngelaban munsuh, pemaioh munsuh mati enda ulih disema agi. Diak sida alu manjung nyeraoh menang meda munsuh nyau lari laban ke tubuh udah mimit
Munsuh ke jejengap alu disimpung bala bansa iban ba pala. Diak Keling meda bangkai antu gerasi enggau mensia antu terkapa pia aja berdunjung

Diak aaduai ba karangan ai sungai, alu bersungga berendam ke pangan diri. Saduai sama bela eikak alu sama ngenuduk kediri ba batu laban eikak berekak berendam ba ai sungai. Diak Bujang Liba nyepi  sereta ngasai ia empai ulih alah. 

Diak Remaong Gerasi ngasai pengemit Bujang Liba. Amai Bujang Liba tu mit dipeda ia tang pemedis ditumpu Bujang Liba asai kena ba jantung pemedis ia, enti mensia enda pama baka ia sigi enda ulih ngemedis ke ia bakanya. Diak Bujang Liba alu ngambi Entabai ti melukuk ba reban kayu, diak bansa dayak deka mansang melulung Remaong Gerasi diak Keling enggau Bujang Sebalu Ngenang alu madah anang ngacau rekak jamah saduai ia, diak sama ngapir ari tisi alu tetegi berdiri ka meda dua iku mensia ti kering sereta beberita ka bebunuh.

Udahnya Bujang Liba ngasuh raban iban manduk asi manduk lauk laban Bujang Liba ka ngemai Remaong Gerasi makai dulu sebedau berjamah. Alu lelekai ketawa sida raban iban kabukai ti ketawa pengemit tubuh Bujang Liba ka ngelaban Remaong Gerasi nya tadi. Tang sida alu ngetu ketawa pengudah Keling merak ngena jako besai ngasuh sida bado ketawa.

Udah nya bala iban alu enda memunyi agi alu Keling enggau Bujang Sebalu Ngenang ngasuh sida ia nitih jako Bujang Liba aja. Diak ia alu ngangau ke Remaong Gerasi ngasuh Remaong Gerasi makai dulu. Asi alu dipanduk alu lauk pen mansau sereta Keling ngasuh saduai ia Bujang Liba sama bela makai laban saduai ia udah tu ka bejamah.

Diak Remaong Gerasi enggai makai tang pengudah meda Bujang Liba nyengkau ba asi diengkah ba daun pisang sama ba endur nya diak saduai alu makai semakai .Empai ambis asi ba daun pisang dempa dulu agi tudah Remaong Gerasi maluk tubuh Bujang Liba ngena batu tang Bujang Liba agi ga makai.

Bujang Liba ngasuh ia makai dulu anang begetil getil ngena batu ko Bujang Liba ngano Remaong Gerasi. Tak rerangap tudah Remaong Gerasi meda tubuh Bujang Liba tak nadai rusik tak nadai engkebut duduk mina ke makai aja tudah Bujang Liba, meda baka nya diak Remaong Gerasi alu makai baru.

Udah seduai ia tembo makai, diak Remaong Gerasi alu nyekak rekung Bujang Liba alu dambi ia nyabur ia empu alu dipantap ia pala Bujang Liba tak putus dipeda tang betampung baru ga.Diak Remaong Gerasi alit ati meda utai naka penyelai nya. Alu dibukut Bujang Liba dagu ia peda alu temepak ngeli Remaong Gerasi labuh.

Alu berpangka ke pangan diri saduai tadi nyau damping empat ari lima malam saduai berekak diak maia ke empat ari matahari nyumbuk diak Remaong Gerasi nadai daya agi laban majak saduai berekak majak kering tulang Bujang Liba tu tadi nyadi balat agi jamah Bujang Liba ti betubuh mit.

Diak Remaong Gerasi berdiri meda mua mata ari, diak Bujang Liba alu dambi Bujang Liba buluh bemban nisi paya alu ngacuk dada Remaong Gerasi ngujung darah lesi ngujung ia bebadi, diak Remaong Gerasi nyepi tu meh pengambis seput ia ba dunya ti dibunuh anak mensia bansa Iban bansa dayak ti ka datai ngemunas muru peturun ia ila.

Diak Remaong Gerasi ulih dacuk ngena buluh bemban Diak Bujang Liba alu narit Tungkat ia alu nucuk dada Remaong Gerasi alu pansut darah alu pansut is ari dada Remaong Gerasi ngujung ke Remaong Gerasi nyau ka tumbang ke tanah tang jari Remaong Gerasi berpaut ba kayu ti ngujung Bujang Liba alu terengkah ba Remaong Gerasi alu lancat naka penyikal ia alu narit atau Remaong Gerasi ari dada Remaong Gerasi ti udah belubang di acuk Bujag Liba.

Diak Remaong Gerasi nyeraoh. Lebuh Bujang Liba ka mumpung pala ia diak Remaong Gerasi entepa ke jari ia ke langit alu tucum naka pengambis ati, pala Remaong Gerasi alu dipumpung enggau panjung ari Bujang Liba. Beserara meh tubuh enggau pala tudah Remaong Gerasi dipumpung tudah Bujang Liba.

Alu keberai ujan labuh ke tanah baka nyabak ke mensia enggau antu gerasi enggau remaong gerasi. Meda munsuh mayuh lesi bebadi alu nyeraoh bala bansa iban kabukai madah diri menang alu naka pengaga ati sida ia laban bansa iban nadai lesi bebadi semina telih aja.

Tu meh kayau ti manah ti nadai munuh bansa iban ko keduak ia berkenang enggau pangan diri. Nyadi udah Remaong Gerasi mati, rumah panjai munsuh alu ditunu sida ngica sida ke lari nya tadi enda pulai kia agi. Diak Bujang Liba mai pala Remaong Gerasi agai tempara ti udah digaga ia empu ba langkau pengayau. Diak Bujang Liba ngemai sitik aja pala ti besai Amai.

Udahnya ka ditampung aku baru jerita bujang liba tu ila tusun 12

Terima kasih auk.

#kenang-lemambang.blogspot.com

FB kenanglemambang@sarawakdayaks

Baruh tu semina gambar pengias aja.