Jerita Bujang Liba (Tusun 13)

Diak alu sida nurun bukit laban Bungai Nuing enggau Guntur tu sigi pama, alu engkecit bisi sepuloh kali ia engkecit alu terengkah datai ba karangan sungai alai Keling sida kabukai. Gaga meh ati Guntur  enggau Bungai Nuing tadi laban ulih dulu ari urang.

 Bujang Liba ti benung duduk tadi. Sida tiga alu main selingkut nganti bala ke datai ari atas sereta Bujang Liba nemu kaban ia Guntur tembu rindang bejalai enggau indu dara bajik nya meh kaban ia Guntur dudi ari ia bejalai. Datai ba sungai diak bala pengayau belelak alu bisi kaduak alu engkecit agai lubuk mit ba sungai laban ka mandi, udah tembu berlelak sida alu bejalai baru ngujung sida datai ba langkau pengayau sida ti maia nya diregau antu indu koklir suba, diak alu bermalam ba diak baru, kaduak bala pengayau enyau terebas ngiga utai ke lauk ke malam negi.Tudah Bungai Nuing, Keling, Guntur enggau Uchu Pungga gali ba langkau aja meda maioh bala ke bujang sida kedara ngiga lauk.
Diak sida Bujang Liba telelap tinduk, sidasida ke pulai ngiga lauk tadi, alu bebela makai. Udah makai sida pen tindok magang, nyau enda berasai didinga burung memunyi madah ari pen tawas. Diak bujang Liba enggau sida kabukai sama bela dani kaduak. Diak Bujang Liba meda aja ulah bala dayak ke baru dani tindok nyau beridup ke api alu nunu ikan ni ka dempa alu keduak ikan alu dipansuh.Guntur alu ngembing indu dara Bajik.

Bujang Liba enggau sida Keling tucum meda pemancal Guntur nguntik indu dara nya tadi. Keno ko orang tuai nusi, Guntur alu jadi enggau indu dara tu ila.

Nyadi indu dara tu penama ia Endu Kumang Bajik ia nya anak Raja Empira Langit ti ngempu dunya langit peringkat kelapan.Tang Endu Kumang Bajik labuh ari tisi langit alu ditemu sida Remaong Gerasi alu dambi sida Remaong Gerasi nyadi ulun laban ngumbai ia anak bala iban ti tesat.

Nyadi Endu Kumang Bajik pen rindu ke Guntur laban Guntur tu nelap sereta enda ngeninggi kediri maia bejako enggau ia. Bujang Liba, Keling enggau Apai Ambu ia nemu sapa Endu Kumang Bajik nya laban sida kala dipadah ari mimpi ia empu ti madah Endu Kumang Bajik nya peturun Petara Raja Langit nyaga pintu Petara  Entala.

Ba kenang orang tuai pengudah Endu Kumang Bajik beranak lima iku anak mit diak ia dambi apai ia Petara Raja Langit ke langit ngujung Guntur enda kala bebini agi. Semadi tuai diak Guntur dambi bini ia Endu Kumang Bajik ke langit ngujung Guntur nyau idup nyadi biak baru alu ngujung ia idup biak belama ba dunya lelangit. Alu nampung sepiak Bujang Liba ba rumah panjai sengalang burung sida sempulang gana dilangit. Bujang Liba setengah mati dikumbai urang, nyau ka mati diau kediri dalam kampung puang, laban kelalu tuai. Udahnya diambi petara sempulang gana, ngujung ka ia biak baru baka selama dilangit din.

Pulai nagai jerita bujang liba sida keling tadi, diak Keling alu ngiga kayu api seretai enggau sida uchu pungga tadi. Mayuh meh kayu api ulih sida tadi.

Nama agi deh ila nampung baru jerita bujang liba tusun 14.
Terima kasih auk.

#kenang-lemambang.blogspot.com
FB kenanglemambang@sarawakdayaks
Baruh tu semina gambar pengias aja.

Ulasan

Catat Ulasan

Catatan popular daripada blog ini

Jerita Igat Tarang enggau nembiak manchal (PEMULAI SEDUAI)

Imej
Udah Igat Tarang pulai ari langkau umai, diak ia bisi ngara Bunsu Bubut. Bacha abis auk jerita tu auk. Udahnya tadi sida benung nyenggai tudah Igat Tarang ti udah parai laban kena pansa utai ko sida. Nyadi pemarai Igat Tarang tu nyelai amai ,udah pulai ari langkau umai ba seberai sungai sida alu niki ke rumah panjai tadi alu kekesah minta sah enda sempat bejako diak ia alu luput tekalanya ba ruai alu jampat sida katuai. Tang enda sempat ngubat tudah Igat Tarang diak sida madah  Igat Tarang tu mati meh tadi. Mayuh meh orang nyabak ke Igat Tarang tu tadi laban sinu ke pemanah ia ,sereta bala kabukai bepadah kulu kili madah ke sepengabang sida semenua nya tadi madah ke Igat Tarang nya udah lesi. Keno ko orang tuai nusi, pemanah Igat Tarang tu amai besai sereta dikenangi maioh laban ia endang beberita manah ati sereta lempung tulang nulung bansa diri maia tusah. Nyadi mayuh meh orang datai ngesah pengerabat bala Igat Tarang tu tadi. Pemayuh kaban belayan sereta orang ke ngelala Igat
Baca lagi

Kebuah Besempama

(Kebuah Besempama) Urang Iban besempama ngambika ngayanka penalam enggau pemesai basa lebuh ke begulai enggau pangan diri, diri serumah, diri semenua tauka lebuh ngambat penatai temuai. Sempama tu baju basa ti diajar apai indai ngagai bala anak sida. Adat besempama nya adat basa ti endang dititi temali ari aki ini raban bansa Iban kelia. Sempama ulih dikena apai indai ngajar tauka meransang anak sida baik dalam ulah tauka dalam pelajar sekula. Sekeda chunto sempama ti ulih dikena bala apai indai meransang anak sida baka genggam bara api datai ke nyadi arang tauka baka tekura enggai enda tepantup ba bandir. Bala tuai mega ngelalau tauka meri jaku tangkan ngagai anak nembiak sida ngena jaku sempama. Sekeda sempama tau dijadika jaku tangkan dikena ngelalauka pendiau, ulah pengawa enggau jaku mensia siku-siku awakka enda tekelalu lunggar. Peratika chunto di baruh tu: 1. Anang baka kera naruk 2. Titihka ulah ti manah baka daun tangkup-daup Bansa Iban tebilang dipuji bala temuai ti
Baca lagi

Panjuk "TAJU" Remaung enggau balas Danjan

Imej
Kepuas ke bejalai, sida pan datai ba kaki bukit kenyalang. Enda jauh ari nya diak ai sungai Mali sereta dalam ai nya mayuh ikan enseluai, buing, kenyulung enggau ikan bukai. Enti benasib, suah mega sida bulih ikan besai. Lapa dih, sida Nyaing enggau Apung pan belabuh ngasu. Ke ulu, ke ili peda bisi amat bekau pelanduk. Ke ulu agi, bisi agi. Peda enda berasai bejalai kin kia nyau lucak bekau tanah ditujah sida. Asaika enggai mih sida pulai. Nyau bebungai asai ati. Benung bepilihka jelu ka disumpit, ka dipanjuk, ka ditikau enggau sankuh, dia siku antara sida ke benama Lungga Labi lalu bejaku, “Wai...nyau begeriuk perut aku. Tak enda ulih tat. Pulai dulu aku.” Amat ga tudah tuai, ketegal ke menawa lelabi, nya mih nangi takutka menawa lelabi nyau mulan tauka datai baru. Akih tu menawa mimit pemedis ia ari urang bukai, enda sebaka, laban kudah makai ludah lelabi menawa sereta bulih belama lelabi. Pia mega utai diketup ia ba nyawa, putus magang. Nya mih ia dikangau ka urang Lungga Labi.
Baca lagi