Jerita Bujang Liba (Tusun 14)
Diak sida Keling, Entabai enggau Uchu Pungga sama bela pulai ke langkau sida, udah ke ngiga kayu api dikena unggun api malam nya. Sida Bujang enggau Kedara sama bela bekindu ba unggun api diak, betundi bebungah keduak, bisi keduak tindok laban kelelak bejalai. Pandak agi Jerita, nyau enda berasai meh tadi, nyau cecuie burung didinga ngiga penakai nanda ari udah tawas.
Nama agi deh dani meh Tuai Kayau sida ari menoa Tujuh Ari Tujuh Malam tadi, pia mega sida Pungka, Keling, Laja, Bujang Liba, Guntur enggau Entaing apai Entabai tang Entabai agi tinduk, sida keduak agi mih tinduk enda jauh ari unggun api nya laban ka agi mau, dituku sida ka empai tinduk malam tadi.
Nyau kira ka sesilau endar ari dipeda sida tadi mua ari masut ka ari panas, bisi keduak tadi ngerak pangan diri ngambi ka jampat agi sida pulai, dinga tedani keduak tekenyit ninga panjung Entabai anak Entaing munyi tu " Bulih ! Bulih ! Mandau Jani Besai ! " laban ke agi bulih endar ngigau tinduk. Nama agi deh, tak peradak apai ia Entaing enggau Guntur munyi tu Seduai seretai, " indu gerama ngagai dik ! Rari dik Entabai ! " diperadak Entaing enggau Guntur ari tisi, tekenyit mih tudah Entabai digagak bakanya tadi, peda ketawa memagang sida meda ulah Entabai laban selalu ngigau, belanda beteraoh minta sah minta tulong mayuh munyi tu " Apai indai, bado dik indo gerama ngagai aku, peda dik indo gerama nya indai !" kekakah sida ketawa.. Nama agi deh dani endar meh Entabai laban nyau meda bala mayuh diak ketawa ka ia. Tang ia enda malu laban teleba bakanya digagak apai ia tauka indai ia empu maya diau dirumah, laban tinduk mendar nya.
Udah nya sida pan tembo ngadu pengawa, langkau sida nya tadi pan ditunu sida. Alu sida bejalai nyau ka datai ba bukit dikumbai tauka bukit kangau enda jauh ari bukit kenyalang diak ninga panjung Apai Kumang bisi menujuh kali diak bala ke indu alu mangkong tawak alu nyedia perengka tengkira nyambut bujang berani lelaki berani kempang. Sida pengayau alu nurun ari bukit datai ba emperan alu ngaga langkau ba pemendai seberai pemendai rumah panjai sida ia laban sida sigi bermalam laban orang ngeniki antu pala nitih mata ari Idup.
Naka pengerami meh orang ba rumah panjai Gelong nengkira keresa nyambut penatai bala pengayau. Ambis pua kumbu nyadi ke penyelap dinding, bungai jarau kedinjing belah tanju belah ruai. Chapuh sereta inggar bala ba rumah panjai sereta ba langkau pengayau bala pengayau nyau richah begagai betundi lebuh ngirup ai tuak ti danjung orang ketuai ari rumah panjai.
inggar meh menua Gelong. Tudah Bujang Liba, Keling, Bungai Nuing, Entabai, Laja, Entaing, sida Tuai Kayau ari menoa buka, Gemuring Gading, Ukam, Pungka enggau Uchu Punggau. Pia mega sida pengayau ka bukai duduk ngetat diri meda kaban sida Guntur ngajat enggau Endu Kumang Bajik ti benung betundi ba langkau pengayau, bisi keduak nyau manjung meh laban pengaga ati nyepi diri dah datai ba menua diri empu.
Aku pan gaga meh laban ka ngagak tusun Bujang Liba ke 15 ila.
Terima kasih auk.
#kenang-lemambang.blogspot.com
FB kenanglemambang@sarawakdayaks
Baruh tu semina gambar pengias aja.
Nama agi deh dani meh Tuai Kayau sida ari menoa Tujuh Ari Tujuh Malam tadi, pia mega sida Pungka, Keling, Laja, Bujang Liba, Guntur enggau Entaing apai Entabai tang Entabai agi tinduk, sida keduak agi mih tinduk enda jauh ari unggun api nya laban ka agi mau, dituku sida ka empai tinduk malam tadi.
Nyau kira ka sesilau endar ari dipeda sida tadi mua ari masut ka ari panas, bisi keduak tadi ngerak pangan diri ngambi ka jampat agi sida pulai, dinga tedani keduak tekenyit ninga panjung Entabai anak Entaing munyi tu " Bulih ! Bulih ! Mandau Jani Besai ! " laban ke agi bulih endar ngigau tinduk. Nama agi deh, tak peradak apai ia Entaing enggau Guntur munyi tu Seduai seretai, " indu gerama ngagai dik ! Rari dik Entabai ! " diperadak Entaing enggau Guntur ari tisi, tekenyit mih tudah Entabai digagak bakanya tadi, peda ketawa memagang sida meda ulah Entabai laban selalu ngigau, belanda beteraoh minta sah minta tulong mayuh munyi tu " Apai indai, bado dik indo gerama ngagai aku, peda dik indo gerama nya indai !" kekakah sida ketawa.. Nama agi deh dani endar meh Entabai laban nyau meda bala mayuh diak ketawa ka ia. Tang ia enda malu laban teleba bakanya digagak apai ia tauka indai ia empu maya diau dirumah, laban tinduk mendar nya.
Udah nya sida pan tembo ngadu pengawa, langkau sida nya tadi pan ditunu sida. Alu sida bejalai nyau ka datai ba bukit dikumbai tauka bukit kangau enda jauh ari bukit kenyalang diak ninga panjung Apai Kumang bisi menujuh kali diak bala ke indu alu mangkong tawak alu nyedia perengka tengkira nyambut bujang berani lelaki berani kempang. Sida pengayau alu nurun ari bukit datai ba emperan alu ngaga langkau ba pemendai seberai pemendai rumah panjai sida ia laban sida sigi bermalam laban orang ngeniki antu pala nitih mata ari Idup.
Naka pengerami meh orang ba rumah panjai Gelong nengkira keresa nyambut penatai bala pengayau. Ambis pua kumbu nyadi ke penyelap dinding, bungai jarau kedinjing belah tanju belah ruai. Chapuh sereta inggar bala ba rumah panjai sereta ba langkau pengayau bala pengayau nyau richah begagai betundi lebuh ngirup ai tuak ti danjung orang ketuai ari rumah panjai.
inggar meh menua Gelong. Tudah Bujang Liba, Keling, Bungai Nuing, Entabai, Laja, Entaing, sida Tuai Kayau ari menoa buka, Gemuring Gading, Ukam, Pungka enggau Uchu Punggau. Pia mega sida pengayau ka bukai duduk ngetat diri meda kaban sida Guntur ngajat enggau Endu Kumang Bajik ti benung betundi ba langkau pengayau, bisi keduak nyau manjung meh laban pengaga ati nyepi diri dah datai ba menua diri empu.
Aku pan gaga meh laban ka ngagak tusun Bujang Liba ke 15 ila.
Terima kasih auk.
#kenang-lemambang.blogspot.com
FB kenanglemambang@sarawakdayaks
Baruh tu semina gambar pengias aja.
Ulasan
Catat Ulasan