Jerita Bujang Liba (Tusun 4)
Betemu baru kitai ba awak tusun 4 tu.
Terima kasih dituju ngagai semua ditu,
Diatu kitai ngenang "Jerita Bujang Liba".
(Jerita Bujang Liba) - Tusun 4
Sida ari Gelong, Panggau Sebayan, ari menoa Laing Angin, menoa Bunsu Antu Aji Berani bisi nemuai ngagai Rumah Panjai urang Panggau Libau, nyambut penatai Keling, sida Laja, sida Ukam, sida Pungka Berani. Dalam jerita tu tadi enda ulih sebut pemayuh sida ngayau tadi ari Panggau Libau.
Udah sida menang, ensera seruran madah sida sigi manjung dulu apin datai di rumah ngambika orang indu sedia enggau keresa kena niki antu pala.
Keling nyampi baka selama semunyi enggau sampi ngayau sida ba Tusun kesatu "Jerita Keling Ngayau" tadi. Munyi iya Baka tu : -
“aku tu ukai ngangau ngapa,
ngangau pia, aku tu miau ading,
miau piring, Miau begela miau jawa,
Aku tu datai pulai ngayau, pulai mulau bala, nyerang numbing menua,
Aku tu deka niki ka antu pala,
Awakka aku tu ila, entuchung baka bukit, ngerung baka langit; baka Kuma belumba Dua, baka senggal tingkah telaga,
baka tuchung Rabung benama......”
Sida pan enda tau enda begawai enchabuh arung, alai antu pala nya dibai ke tanju. Sida Keling enda tau enda nabur beras kuning nuju tunga menua munsuh sida di langit Diwan Bunsu Raja ILau Menoa Engkerabun.
Pandak agi jerita, sekumbang sida Keling ari Panggau Libau udah begawai besai enchabuh arong. Diak sida ari Gelong tadi bebaie ngayau ke menoa Raja Remaung Tau Serang baka berang Raja Jugam tisi langit baruh mata ari mati.
Keno dalam jerita enggau ensera menoa Raja Remaung Tau Serang baka berang Raja Jugam tisi langit baruh mata ari mati, ditu menoa nya jauh besai ari menoa Gelong enggau Panggau Libau, ba ensera tu menoa Raja Remaung Tau Serang Kala ngembuan langit serak 3, laban ditulung sida Bunsu Antu Jai, Bunsu Tedung, Lemba Diwan Raja Sengayan ari menoa Mata Ari Mati setengah dunya mensia enggau sebayan.
Ensera Lemba Diwan Raja Sengayan tu enda milih urang tauka antu sigi ditulung iya, iya tu pedis digiga laban nemu bebali nyadi burung sengayan. Iya tu naban ka semengat semengat mensia ka agi idup aja, enti nadai penemu bisa, sigi mati meh kitai laban enda tetemu ka semengat kitai agi.
Diak Gunda Gundi madah baru menoa nya nuju ngilah sepiak sebayan, diak ngenong meh tudah Bujang Liba tadi enda memunyi. Keno jerita rangap aja "ngapo" ! Dalam ati, tama kebilik meh tudah bujang liba tu tadi, nyedia ka pengaroh iya magang. Sekeda gaga, laban lama enda ngayau, gaga sekeda bala ari setak setak sepiak sepiak.
Didinga sida ka indo ke mandi disungai, bisi ka gelincir sida indo ninga teraoh munyi panjung sida anak Pungka Tadi, bisi ka tekenyit sida daie din.
Diak ba ensera sida Ngayau Serang bebala mayuh nuju mata ari mati. Sida Keling, bunga nuing, laja, Pungka Lelaki berani kering, tuai kayau bukai ke kala nyadi tuai kayau ari panggau libau, ari menoa bukai sama deka ngayau ngau Gelong. Pemayuh sida tu tadi ukai ari 6 menoa aja enggau Gelong ngayau, sema jako ari bukit ke tinggi meda pemayoh mensia.
Pulai ngagai Jerita Liba, diak malam nya Bujang Liba bisi mimpi betemu enggau urang Sebayan deka nulung iya ba Kayau Serang Abis. Diak ka pagi nya pan tawas ari, sida ka bukai udah dani magang, sida deka nurun ngayau tadi, tinduk ba ruai magang. Sida ka bisi mimpi jai, enda diasoh enggau, nangi kayau enda manah enggai ka nyadi penusah.
Ari pan kereba tawas, pagi enda berasai. Bisi sekeda udah sedia magang detanah ari sepiak Sepiak bisi ka dibaruh rumah, bisi ka perabong din, diak Tuai Kayau urang Gelong bisi tiga iko, sida Gunda Gundi, Pungka enggau Guntur. Sebedau ngayau nya sida pan besampi ngayau, diak Tuai Kayau nya tadi ngiga endur besampi, ngambi bisi dinga sida ka luar din. Ka pan enda Guntur enggau Gunda Gundi tadi pan ketanjo sida, alu besampi diak ngangau ka Petara enggau Bunsu antu bisi enggau sida ngayau menoa besai ngilah sebayan (mansa sebayan).
Diak sida pan manjong magang udah besampi, ari pan munyi temepar depeda 7iko burung musin keliling kanan udah nya pulai baru kiri, nya nanda sida ka bejalai ngayau ila, ngambi ka sida bulih utai. Diak sida pan bejalai magang.
Udah seminggu sida bejalai de kampung puang, diak sida iya pan Belelak ba baruh bukit sigi kebesai. Diak sida ngetu, alu bemalam diak. Diak pan sida begiga ka kayu api magang, di entugong ka sida, bisi bepuloh iti alai alai unggun api sida.
Enda jauh ari sungai diak sida pan bisi mega ka mandi, tang udah nya enda berapa lama sida, mayuh ga bedau ka tinduk, diak sida bisi nyium bau rengut. Enda lama, makin lama makin bau, bisi ke enda tan nyium bau rengut nya datai ari seberai, bisi ka nitih ka bau nya meh tadi tang ditagang bala Pungga.
Empai lama udah nya sida sabuat pengayau bukai ari ili ari ulu bisi ninga nyawa indo ketawa, makin lama makin semak datai ngansak sida diak.
Diak sida meda pemayuh indo datai ari seberai, diak Tuai indo nanya sida kadiak, ko indo nya "ulih kami bemalam enggau kitak ditu"?. Ko indo nya, diak Gunda Gundi pan alu bejako "enda ulih, laban pagila kami deka belelang baru bejalai agi jauh tu". Diak Tuai indo nya bejako baru "iga semalam aja enda ga ulih, kami empai makai gi tu".
Diak Gunda Gundi bejako baru "minta ampun meh waii, ukai kami tu enggai nerima kitak bemalam ditu, laban kami tu ka ngayau, enggai ka kayau kami tu sabau ngapa ila, kami enda tau semak indo tau ka begauk maya deka ngayau, adat kami ngayau enggai ka enda nyadi datai din ila".
Ko Gunda Gundi, nya gunda gundi madah baru, "enda tau buya kami mensia kitak nya ko gunda gundi madah". Ninga gunda gundi majak bejako kenya ti ngujung sida indu to alu ketawa lelekai alu terebai kin kia ngacau alu ngeregau bala pengayau.
Ni bisi penemu naka ulih meh muka leka sampi bisa tang enda meh antu indu nya lari ari ngacau sida,nyau balat sebalat gik antu indu nya ngacau sida ia.
Ni ke ulih alu dempa sida antu indu tu ba ucu ugai meh sida ia tadi, meda utai bangat ngeraya nya ngacau sida pengayau kabukai. Diak Bujang Liba alu mantai tungkat ia alu didaing ia ba api buluh sereta alu dipancar ia ke langit. Seretai nya ari senentang sida ia ba diak alu tawas baka bisi matahari ba malam ari senentang urung nya tadi.
Peda alu temepak bala antu indu tadi ari pucuk kayu. Ambis keduak ia belalai belah nisi bandir,ni enda sempat belalai alu angus alu ancur meh antu indu nya tadi.
Meda bakanya diak Apai simba alu nyekak rekung ketuai antu indu siko sereta alu ka munuh sida antu indu nya tadi.
Keno ensera Bujang Liba tu enda kala maie nyabur tauka ilang, tang iya semina maie Tungkat enggau beliung iya aja lebuh ngayau. Pulai ngagai jerita bujang liba tadi.
Diak Keling madah anang munuh sida ia ko Keling enggau Pungga. Diak gunda gundi alu nanya bakani chara pucau tau meri sida antu indu tu lari enti sida antu indu tu ngacau anak mensia agi. Diak tuai antu indu nya ka enggai madah tang udah meda ketuai dayak majak mumpung pala antu indu kabukai tadi laban tuai antu indu enggai madah leka pucau nya tadi ngujung ketuai antu indu madah leka pucau nya tadi.
Meda udah leka pucau nya tadi ditemu, diak sida sama ngingat magang leka pucau nya tadi tang ti kabukai sebut sida ia sigi enda ngasi leka pucau nya.Nyadi maia nya Tuai Kayau ngaga sitik pagar ari leka pucau ketuai antu indu nya tadi.
Ko antu indu nya madah,barang sapa mensia nemu leka pucau nya sigi dikacau sida ia laban sida ia ka nguji ngasi ke enda leka pucau nya ba sida antu indu. Pengudah antu indu nya dilepau Guntur diak ia ngasuh Bujang Liba bado naing tungkat ia ngimbai api buluh.
Diak semalam malam nya sida pengayau berkenang penemu Liba ti bakanya. Nyau enda berasai sida pengayau pen tindok, Keling pen tindok tang Bujang Liba bisi bermimpi bertemu enggau Bunsu Antu Indu ti madah agai Bujang Liba, ti Bujang Liba nadai ngembuan Tungkat Mua Ari ti ditempa Sempulang Gana udah lesi udah bebadi magang sida ia tadi laban bisi antu indu kabukai ka ngesah sida tadi tang benasip endar Bujang Liba bisi ngembuan nya.
Bunsu Antu indu alu madah ke Bujang Liba ia minta ampun laban sida salah kacau salah regau enda ngelala ucu ambu Sempulang Gana ti megai dunya sebayan enggau dunya nyata. Bunsu Antu indu tadi alu meri Liba leka pucau ngangau bala antu indu enti Liba beguna ke sida ia lebuh berkayau jemah ila.
Pengudah nya Bujang Liba alu terdani tindok sereta alu angkat nyau agi kabus ari pagi diak Liba malik ke tisi sereta ia meda bala pengayau dayak agi tindok magang laban buntau gagau diregau antu indu demalam, semina Keling enggau Guntur udah reregas tumu ngirup, bala Pungga ke udah dani ngiga kayu kena nunu jani ulih panjuk Guntur enggau Entabai.
Nurun Bujang Liba ari langkau alu birak ba sungai, udah birak diak Bujang Liba terpeda ke akar tubai ba tebing. Bujang Liba alu mantap akar tubai nya tadi alu ia berjalai kulu, seretai nya Liba enggau Bunga Nuing alu nubai lubuk panjai nya ari ulu, udah dikirah alu dipalu ia tubai tadi nebing lubuk.
Diak meh ikan ke mesai capan mesai pah nyau terpejul mabuk ari dalam lubuk. Makin lama gik tudah Liba nganti makin maioh agi ikan mabuk. Meda bakanya diak Bunga Nuing, Keling, Bujang Liba, Guntur enggau Entabai alu angkat alu ngumpul ikan kebesai aja ia ke mit mesai betis delak ke ia aja.
Angkut Bujang Liba enggau Entabai ikan ke tebing pemendai langkau, udah diperuti alu ditetak Keling enggau Ukam nya tadi. Alu Sida Laja ngiga buluh kena mansuh ikan nya tadi.
Selamat malam, ngetu ditu aja auk..ila nampung baru "Jerita Bujang Liba" tusun 5. Aku pan enda sabar ngenang sida ngayau kin ila..
#kenanglemambang
Baruh tu semina gambar pengias aja
Terima kasih dituju ngagai semua ditu,
Diatu kitai ngenang "Jerita Bujang Liba".
(Jerita Bujang Liba) - Tusun 4
Sida ari Gelong, Panggau Sebayan, ari menoa Laing Angin, menoa Bunsu Antu Aji Berani bisi nemuai ngagai Rumah Panjai urang Panggau Libau, nyambut penatai Keling, sida Laja, sida Ukam, sida Pungka Berani. Dalam jerita tu tadi enda ulih sebut pemayuh sida ngayau tadi ari Panggau Libau.
Udah sida menang, ensera seruran madah sida sigi manjung dulu apin datai di rumah ngambika orang indu sedia enggau keresa kena niki antu pala.
Keling nyampi baka selama semunyi enggau sampi ngayau sida ba Tusun kesatu "Jerita Keling Ngayau" tadi. Munyi iya Baka tu : -
“aku tu ukai ngangau ngapa,
ngangau pia, aku tu miau ading,
miau piring, Miau begela miau jawa,
Aku tu datai pulai ngayau, pulai mulau bala, nyerang numbing menua,
Aku tu deka niki ka antu pala,
Awakka aku tu ila, entuchung baka bukit, ngerung baka langit; baka Kuma belumba Dua, baka senggal tingkah telaga,
baka tuchung Rabung benama......”
Sida pan enda tau enda begawai enchabuh arung, alai antu pala nya dibai ke tanju. Sida Keling enda tau enda nabur beras kuning nuju tunga menua munsuh sida di langit Diwan Bunsu Raja ILau Menoa Engkerabun.
Pandak agi jerita, sekumbang sida Keling ari Panggau Libau udah begawai besai enchabuh arong. Diak sida ari Gelong tadi bebaie ngayau ke menoa Raja Remaung Tau Serang baka berang Raja Jugam tisi langit baruh mata ari mati.
Keno dalam jerita enggau ensera menoa Raja Remaung Tau Serang baka berang Raja Jugam tisi langit baruh mata ari mati, ditu menoa nya jauh besai ari menoa Gelong enggau Panggau Libau, ba ensera tu menoa Raja Remaung Tau Serang Kala ngembuan langit serak 3, laban ditulung sida Bunsu Antu Jai, Bunsu Tedung, Lemba Diwan Raja Sengayan ari menoa Mata Ari Mati setengah dunya mensia enggau sebayan.
Ensera Lemba Diwan Raja Sengayan tu enda milih urang tauka antu sigi ditulung iya, iya tu pedis digiga laban nemu bebali nyadi burung sengayan. Iya tu naban ka semengat semengat mensia ka agi idup aja, enti nadai penemu bisa, sigi mati meh kitai laban enda tetemu ka semengat kitai agi.
Diak Gunda Gundi madah baru menoa nya nuju ngilah sepiak sebayan, diak ngenong meh tudah Bujang Liba tadi enda memunyi. Keno jerita rangap aja "ngapo" ! Dalam ati, tama kebilik meh tudah bujang liba tu tadi, nyedia ka pengaroh iya magang. Sekeda gaga, laban lama enda ngayau, gaga sekeda bala ari setak setak sepiak sepiak.
Didinga sida ka indo ke mandi disungai, bisi ka gelincir sida indo ninga teraoh munyi panjung sida anak Pungka Tadi, bisi ka tekenyit sida daie din.
Diak ba ensera sida Ngayau Serang bebala mayuh nuju mata ari mati. Sida Keling, bunga nuing, laja, Pungka Lelaki berani kering, tuai kayau bukai ke kala nyadi tuai kayau ari panggau libau, ari menoa bukai sama deka ngayau ngau Gelong. Pemayuh sida tu tadi ukai ari 6 menoa aja enggau Gelong ngayau, sema jako ari bukit ke tinggi meda pemayoh mensia.
Pulai ngagai Jerita Liba, diak malam nya Bujang Liba bisi mimpi betemu enggau urang Sebayan deka nulung iya ba Kayau Serang Abis. Diak ka pagi nya pan tawas ari, sida ka bukai udah dani magang, sida deka nurun ngayau tadi, tinduk ba ruai magang. Sida ka bisi mimpi jai, enda diasoh enggau, nangi kayau enda manah enggai ka nyadi penusah.
Ari pan kereba tawas, pagi enda berasai. Bisi sekeda udah sedia magang detanah ari sepiak Sepiak bisi ka dibaruh rumah, bisi ka perabong din, diak Tuai Kayau urang Gelong bisi tiga iko, sida Gunda Gundi, Pungka enggau Guntur. Sebedau ngayau nya sida pan besampi ngayau, diak Tuai Kayau nya tadi ngiga endur besampi, ngambi bisi dinga sida ka luar din. Ka pan enda Guntur enggau Gunda Gundi tadi pan ketanjo sida, alu besampi diak ngangau ka Petara enggau Bunsu antu bisi enggau sida ngayau menoa besai ngilah sebayan (mansa sebayan).
Diak sida pan manjong magang udah besampi, ari pan munyi temepar depeda 7iko burung musin keliling kanan udah nya pulai baru kiri, nya nanda sida ka bejalai ngayau ila, ngambi ka sida bulih utai. Diak sida pan bejalai magang.
Udah seminggu sida bejalai de kampung puang, diak sida iya pan Belelak ba baruh bukit sigi kebesai. Diak sida ngetu, alu bemalam diak. Diak pan sida begiga ka kayu api magang, di entugong ka sida, bisi bepuloh iti alai alai unggun api sida.
Enda jauh ari sungai diak sida pan bisi mega ka mandi, tang udah nya enda berapa lama sida, mayuh ga bedau ka tinduk, diak sida bisi nyium bau rengut. Enda lama, makin lama makin bau, bisi ke enda tan nyium bau rengut nya datai ari seberai, bisi ka nitih ka bau nya meh tadi tang ditagang bala Pungga.
Empai lama udah nya sida sabuat pengayau bukai ari ili ari ulu bisi ninga nyawa indo ketawa, makin lama makin semak datai ngansak sida diak.
Diak sida meda pemayuh indo datai ari seberai, diak Tuai indo nanya sida kadiak, ko indo nya "ulih kami bemalam enggau kitak ditu"?. Ko indo nya, diak Gunda Gundi pan alu bejako "enda ulih, laban pagila kami deka belelang baru bejalai agi jauh tu". Diak Tuai indo nya bejako baru "iga semalam aja enda ga ulih, kami empai makai gi tu".
Diak Gunda Gundi bejako baru "minta ampun meh waii, ukai kami tu enggai nerima kitak bemalam ditu, laban kami tu ka ngayau, enggai ka kayau kami tu sabau ngapa ila, kami enda tau semak indo tau ka begauk maya deka ngayau, adat kami ngayau enggai ka enda nyadi datai din ila".
Ko Gunda Gundi, nya gunda gundi madah baru, "enda tau buya kami mensia kitak nya ko gunda gundi madah". Ninga gunda gundi majak bejako kenya ti ngujung sida indu to alu ketawa lelekai alu terebai kin kia ngacau alu ngeregau bala pengayau.
Ni bisi penemu naka ulih meh muka leka sampi bisa tang enda meh antu indu nya lari ari ngacau sida,nyau balat sebalat gik antu indu nya ngacau sida ia.
Ni ke ulih alu dempa sida antu indu tu ba ucu ugai meh sida ia tadi, meda utai bangat ngeraya nya ngacau sida pengayau kabukai. Diak Bujang Liba alu mantai tungkat ia alu didaing ia ba api buluh sereta alu dipancar ia ke langit. Seretai nya ari senentang sida ia ba diak alu tawas baka bisi matahari ba malam ari senentang urung nya tadi.
Peda alu temepak bala antu indu tadi ari pucuk kayu. Ambis keduak ia belalai belah nisi bandir,ni enda sempat belalai alu angus alu ancur meh antu indu nya tadi.
Meda bakanya diak Apai simba alu nyekak rekung ketuai antu indu siko sereta alu ka munuh sida antu indu nya tadi.
Keno ensera Bujang Liba tu enda kala maie nyabur tauka ilang, tang iya semina maie Tungkat enggau beliung iya aja lebuh ngayau. Pulai ngagai jerita bujang liba tadi.
Diak Keling madah anang munuh sida ia ko Keling enggau Pungga. Diak gunda gundi alu nanya bakani chara pucau tau meri sida antu indu tu lari enti sida antu indu tu ngacau anak mensia agi. Diak tuai antu indu nya ka enggai madah tang udah meda ketuai dayak majak mumpung pala antu indu kabukai tadi laban tuai antu indu enggai madah leka pucau nya tadi ngujung ketuai antu indu madah leka pucau nya tadi.
Meda udah leka pucau nya tadi ditemu, diak sida sama ngingat magang leka pucau nya tadi tang ti kabukai sebut sida ia sigi enda ngasi leka pucau nya.Nyadi maia nya Tuai Kayau ngaga sitik pagar ari leka pucau ketuai antu indu nya tadi.
Ko antu indu nya madah,barang sapa mensia nemu leka pucau nya sigi dikacau sida ia laban sida ia ka nguji ngasi ke enda leka pucau nya ba sida antu indu. Pengudah antu indu nya dilepau Guntur diak ia ngasuh Bujang Liba bado naing tungkat ia ngimbai api buluh.
Diak semalam malam nya sida pengayau berkenang penemu Liba ti bakanya. Nyau enda berasai sida pengayau pen tindok, Keling pen tindok tang Bujang Liba bisi bermimpi bertemu enggau Bunsu Antu Indu ti madah agai Bujang Liba, ti Bujang Liba nadai ngembuan Tungkat Mua Ari ti ditempa Sempulang Gana udah lesi udah bebadi magang sida ia tadi laban bisi antu indu kabukai ka ngesah sida tadi tang benasip endar Bujang Liba bisi ngembuan nya.
Bunsu Antu indu alu madah ke Bujang Liba ia minta ampun laban sida salah kacau salah regau enda ngelala ucu ambu Sempulang Gana ti megai dunya sebayan enggau dunya nyata. Bunsu Antu indu tadi alu meri Liba leka pucau ngangau bala antu indu enti Liba beguna ke sida ia lebuh berkayau jemah ila.
Pengudah nya Bujang Liba alu terdani tindok sereta alu angkat nyau agi kabus ari pagi diak Liba malik ke tisi sereta ia meda bala pengayau dayak agi tindok magang laban buntau gagau diregau antu indu demalam, semina Keling enggau Guntur udah reregas tumu ngirup, bala Pungga ke udah dani ngiga kayu kena nunu jani ulih panjuk Guntur enggau Entabai.
Nurun Bujang Liba ari langkau alu birak ba sungai, udah birak diak Bujang Liba terpeda ke akar tubai ba tebing. Bujang Liba alu mantap akar tubai nya tadi alu ia berjalai kulu, seretai nya Liba enggau Bunga Nuing alu nubai lubuk panjai nya ari ulu, udah dikirah alu dipalu ia tubai tadi nebing lubuk.
Diak meh ikan ke mesai capan mesai pah nyau terpejul mabuk ari dalam lubuk. Makin lama gik tudah Liba nganti makin maioh agi ikan mabuk. Meda bakanya diak Bunga Nuing, Keling, Bujang Liba, Guntur enggau Entabai alu angkat alu ngumpul ikan kebesai aja ia ke mit mesai betis delak ke ia aja.
Angkut Bujang Liba enggau Entabai ikan ke tebing pemendai langkau, udah diperuti alu ditetak Keling enggau Ukam nya tadi. Alu Sida Laja ngiga buluh kena mansuh ikan nya tadi.
Selamat malam, ngetu ditu aja auk..ila nampung baru "Jerita Bujang Liba" tusun 5. Aku pan enda sabar ngenang sida ngayau kin ila..
#kenanglemambang
Baruh tu semina gambar pengias aja
Ulasan
Catat Ulasan