Jerita Bujang Liba (Tusun 5)
Selamat Lemai nuju semua,
Diatu aku nampung baru ensera.
" (Jerita Bujang Liba) Tusun 5 ".
Pemanjai berintai pansuh bergembar enam dintu Entabai, ngelima diintu Bujang Liba enggau Keling sida Pungga bisi pemanjai seratus pintu, agi nambah meh ikan maioh ba karangan ulih sida nubai tadi. Meda utai berembun berasap nepok pansuh sida diak bala jaga enggau pengayau bukai enggau sida Tuai Kayau Bukai alu tedani alu udah nya keduak pengayau nyau terdani magang laban ensium utai berasap balat.
Nyau ngapo sida bala pengayau ari ulu ari ili ari nanga ari seberai meda pemanjai rintai pansuh ikan ulih sida Bunga Nuing, Keling, Bujang Liba enggau sida Entabai. Diak sida pengayau sama angkat magang sama ngintu ikan kabukai ti ulih sida nubai tadi. Udah makai, laluh pansuh alu disimpan.
Diak sida bejalai baru udah tembo makai, sida iya tu enda makai mayuh, laban ngenangi munsuh, laban enggai kelalu kenyang, pedis sida deka ngayau legi. Bisi 8 suap makai iya meh nya, kena muai asai rapar. Nya meh kelia mayuh nagang diri empu makai leboh deka ngayau, nya sida kering manah tubuh.
Bujang Liba alu nawing Apai ambu iya belama sereta Guntur Enggau bala sida uchu pungga, anak pungga dudi. Serak to Keling enggau Pungka dulu ti ngujung seduai bejalai naka peneras naka pengelaju,alu pia mega bala pengayau kabukai tak ngasai tubuh lempung, enda eikak, enda aus sereta ngasai pejalai sida laju belama.
Enda berasai udah ngilah tiga itek tuchung bukit pengudah Keling enggau Pungka dulu ari sida ia. Gemuring Gading sida Uchu Pungga pen ngasai bakanya, ba temilah Bujang Liba bisi ditepuk Aki Remaung petunggal Sempulang Gana ti bisi ngembuan pengaruh bisa ba dunya ia nya Pemintas Jalai Menoa.
Keno ko jerita tuai pengaruh to agi ngiga orang ti bidik ngibun utai laban to asal pengaruh tuai kitai Dayak kelia. Pulai agai kenang Bujang Liba tadi ,lebuh niki bukit sigi semampai dulu belama tudah Entabai laban ia kasih meda apai ia Entaing dasuh merati pejalai sida pengayau belama.
Nyadi Entabai udah nya puas ngelara Igat Mata Leka enda nyagi ia dulu belama bejalai tang ditagang Bujang Liba laban Bujang Liba ngasai ti Guntur dulu, tubuh sida ia berasai berat belama alu jampat lelak.
Keno ko ensera Igat Mata Leka tu urang ke bangat menawa ari menoa Gelong, laban iya bisi penyakit ari mit. Igat Mata Leka tu enda ulih bejalai Manah lurus baka sida kabukai, laban pejalai iya semampai meda kiri kanan, kaki terangkat pejalai belubah, amat pejalai iya baka urang ke ngajat. (Enda juling) sigi gaya pejalai iya baka urang ngajat.Iya selalu dibaie urang ngayau. Tang Igat Mata Leka tu keno ko urang, iya ga kering, sikal ngereja pengawa.
Ba ensera Igat Mata Leka tu bisi ngembuan pengaroh Batu Penguji ke bisa diberi Bunsu Penguji enggau Raja Genali, diak Igat Mata Leka bisi dua igi Batu Penguji Bisa. Ba ensera jerita urang ka bisi ngembuan batu penguji tu baka Igat Mata Leka, diak iya ngunsut ngimbul semua pengayau ngena Sakang Pemulai Penguji iya.
Laban sapa ke tekena penguji iya, leboh ngayau deka tinduk, deka menawa baka iya pejalai deka ngajat sereta meda utai ka ditakut ka munuh empu. Tang sida ka beduan iya tadi selalu negah iya, laban deka meda iya ngajat.
Keno ko ensera Igat Mata Leka tu selalu ditegah urang, tang enti urang salah ari deka tekena penguji igat mata leka, diak igat mata leka tu tadi enda ngubat sida iya. Ngambi ka nemu asai iya, barang sapa ka berubat muai penguji nya, mesti ninga jako iya sebulan, ngintu pengawa bumai, engkani jelu tupi.
Tang sida serumah enda kiruh kena penguji iya maya rami, laban deka ngajat magang, enda milih tuai biak laki tauka indo, iya ke ka ngajat indo nemu ngajat indo, iya ke ka ngajat lelaki nemu ngajat laki tauka kuntau ngau main asal bukai. Tauka indo ka belajar ngajat laki, laki ngajat indo pan ulih dikena sida main asal gawai betundi bebungas ngau pangan diri, bisi mayuh lelaki tauka indo enda milih ajat dikena main ngelingi ajat ranyai, mayuh ajat main dipansut ka sida lebuh rami..Udah bado rami baru iya muai penguji sida nya baru. Igat Mata Leka tu selalu dibaie ngayau laban pengaroh bisa iya nya beguna bendar maya ngayau.
Diak igat mata leka tu amat bakanya, selalu bulih pala, laban munsuh deka mantap iya sigi tekena penguji ngujung ka munsuh ketawa enda nemu bado, enti iya tekena tego munsuh, diak munsuh deka mati laban penguji iya laban tesat kena penguji.
Pulai ngagai sida Bujang Liba tadi, Diak Keling ngasai Bujang Liba tu bisi utai nulung tang Keling enggai bermunyi alu pia mega ketuai dayak kabukai pen ngasai bakanya magang. Lebuh sida datai tinting bukit Laja enggau Bunga Nuing meruan tindok nganti penatai sida niki katas bukit. Datai tuchung bukit ke 18 nyo deka datai dilangit diak sida alu ngetu makai magang.
Ari tuchung bukit sida nimpai ari jauh alu terpeda ke embun asap ba tuchung bukit baruh ari sida ia, enda jauh ari tangga langit. Keno ko jerita tangga langit udah runtuh laban ditumpu antu, tangga nya bisi baru laban digagak Raja Remaung Tau Serang, iya tu mayuh antu nulung iya ngayau kelia.
Nyadi tangga nya selalu ditengah urang kelangit kin, sigi bisa meh penemu pengaroh sida tu tadi, nya alai enti tangga nya runtuh laban antu, sida dilangit din enda kiruh laban ulih digagak belama. Keno ba ensera jerita lama kitai, jalai nya mit amat dititi, enda sebaka titi rawan nya tadi.
Laban titi nya ulih digagak urang ka kering penemu aja, diak urang ka niti nya niti pun buluh aja udah nya masuk lubang batu sebedau datai dilangit, diak dilangit tu sebayan agi jauh. Agi jauh meh pejalai sida tu kin, keno ensera bisi bebulan beminggu nya baru sida mansa sebayan.
Pulai ngagai jerita sida Bujang Liba tadi. Nya meh tanda munsuh bisi ba din ko ati sida ke bujang berandau laban bisi munsuh nyaga tangga langit, ya ga bebesai antu gerasi sereta remaung gerasi, sida pan ngetu dulu enda jauh ari nya, ngetu sida tu ba kaki bukit, bisi ka makai bisi ka belelak dulu.
Udah nya aku pan deka belelak dulo aok..
ila nampung baru ba ensera (Jerita Bujang Liba) Tusun ke 6.
#SelamatLemai
#KenangLemambang
Gambar baruh tu semina pengias aja
Diatu aku nampung baru ensera.
" (Jerita Bujang Liba) Tusun 5 ".
Pemanjai berintai pansuh bergembar enam dintu Entabai, ngelima diintu Bujang Liba enggau Keling sida Pungga bisi pemanjai seratus pintu, agi nambah meh ikan maioh ba karangan ulih sida nubai tadi. Meda utai berembun berasap nepok pansuh sida diak bala jaga enggau pengayau bukai enggau sida Tuai Kayau Bukai alu tedani alu udah nya keduak pengayau nyau terdani magang laban ensium utai berasap balat.
Nyau ngapo sida bala pengayau ari ulu ari ili ari nanga ari seberai meda pemanjai rintai pansuh ikan ulih sida Bunga Nuing, Keling, Bujang Liba enggau sida Entabai. Diak sida pengayau sama angkat magang sama ngintu ikan kabukai ti ulih sida nubai tadi. Udah makai, laluh pansuh alu disimpan.
Diak sida bejalai baru udah tembo makai, sida iya tu enda makai mayuh, laban ngenangi munsuh, laban enggai kelalu kenyang, pedis sida deka ngayau legi. Bisi 8 suap makai iya meh nya, kena muai asai rapar. Nya meh kelia mayuh nagang diri empu makai leboh deka ngayau, nya sida kering manah tubuh.
Bujang Liba alu nawing Apai ambu iya belama sereta Guntur Enggau bala sida uchu pungga, anak pungga dudi. Serak to Keling enggau Pungka dulu ti ngujung seduai bejalai naka peneras naka pengelaju,alu pia mega bala pengayau kabukai tak ngasai tubuh lempung, enda eikak, enda aus sereta ngasai pejalai sida laju belama.
Enda berasai udah ngilah tiga itek tuchung bukit pengudah Keling enggau Pungka dulu ari sida ia. Gemuring Gading sida Uchu Pungga pen ngasai bakanya, ba temilah Bujang Liba bisi ditepuk Aki Remaung petunggal Sempulang Gana ti bisi ngembuan pengaruh bisa ba dunya ia nya Pemintas Jalai Menoa.
Keno ko jerita tuai pengaruh to agi ngiga orang ti bidik ngibun utai laban to asal pengaruh tuai kitai Dayak kelia. Pulai agai kenang Bujang Liba tadi ,lebuh niki bukit sigi semampai dulu belama tudah Entabai laban ia kasih meda apai ia Entaing dasuh merati pejalai sida pengayau belama.
Nyadi Entabai udah nya puas ngelara Igat Mata Leka enda nyagi ia dulu belama bejalai tang ditagang Bujang Liba laban Bujang Liba ngasai ti Guntur dulu, tubuh sida ia berasai berat belama alu jampat lelak.
Keno ko ensera Igat Mata Leka tu urang ke bangat menawa ari menoa Gelong, laban iya bisi penyakit ari mit. Igat Mata Leka tu enda ulih bejalai Manah lurus baka sida kabukai, laban pejalai iya semampai meda kiri kanan, kaki terangkat pejalai belubah, amat pejalai iya baka urang ke ngajat. (Enda juling) sigi gaya pejalai iya baka urang ngajat.Iya selalu dibaie urang ngayau. Tang Igat Mata Leka tu keno ko urang, iya ga kering, sikal ngereja pengawa.
Ba ensera Igat Mata Leka tu bisi ngembuan pengaroh Batu Penguji ke bisa diberi Bunsu Penguji enggau Raja Genali, diak Igat Mata Leka bisi dua igi Batu Penguji Bisa. Ba ensera jerita urang ka bisi ngembuan batu penguji tu baka Igat Mata Leka, diak iya ngunsut ngimbul semua pengayau ngena Sakang Pemulai Penguji iya.
Laban sapa ke tekena penguji iya, leboh ngayau deka tinduk, deka menawa baka iya pejalai deka ngajat sereta meda utai ka ditakut ka munuh empu. Tang sida ka beduan iya tadi selalu negah iya, laban deka meda iya ngajat.
Keno ko ensera Igat Mata Leka tu selalu ditegah urang, tang enti urang salah ari deka tekena penguji igat mata leka, diak igat mata leka tu tadi enda ngubat sida iya. Ngambi ka nemu asai iya, barang sapa ka berubat muai penguji nya, mesti ninga jako iya sebulan, ngintu pengawa bumai, engkani jelu tupi.
Tang sida serumah enda kiruh kena penguji iya maya rami, laban deka ngajat magang, enda milih tuai biak laki tauka indo, iya ke ka ngajat indo nemu ngajat indo, iya ke ka ngajat lelaki nemu ngajat laki tauka kuntau ngau main asal bukai. Tauka indo ka belajar ngajat laki, laki ngajat indo pan ulih dikena sida main asal gawai betundi bebungas ngau pangan diri, bisi mayuh lelaki tauka indo enda milih ajat dikena main ngelingi ajat ranyai, mayuh ajat main dipansut ka sida lebuh rami..Udah bado rami baru iya muai penguji sida nya baru. Igat Mata Leka tu selalu dibaie ngayau laban pengaroh bisa iya nya beguna bendar maya ngayau.
Diak igat mata leka tu amat bakanya, selalu bulih pala, laban munsuh deka mantap iya sigi tekena penguji ngujung ka munsuh ketawa enda nemu bado, enti iya tekena tego munsuh, diak munsuh deka mati laban penguji iya laban tesat kena penguji.
Pulai ngagai sida Bujang Liba tadi, Diak Keling ngasai Bujang Liba tu bisi utai nulung tang Keling enggai bermunyi alu pia mega ketuai dayak kabukai pen ngasai bakanya magang. Lebuh sida datai tinting bukit Laja enggau Bunga Nuing meruan tindok nganti penatai sida niki katas bukit. Datai tuchung bukit ke 18 nyo deka datai dilangit diak sida alu ngetu makai magang.
Ari tuchung bukit sida nimpai ari jauh alu terpeda ke embun asap ba tuchung bukit baruh ari sida ia, enda jauh ari tangga langit. Keno ko jerita tangga langit udah runtuh laban ditumpu antu, tangga nya bisi baru laban digagak Raja Remaung Tau Serang, iya tu mayuh antu nulung iya ngayau kelia.
Nyadi tangga nya selalu ditengah urang kelangit kin, sigi bisa meh penemu pengaroh sida tu tadi, nya alai enti tangga nya runtuh laban antu, sida dilangit din enda kiruh laban ulih digagak belama. Keno ba ensera jerita lama kitai, jalai nya mit amat dititi, enda sebaka titi rawan nya tadi.
Laban titi nya ulih digagak urang ka kering penemu aja, diak urang ka niti nya niti pun buluh aja udah nya masuk lubang batu sebedau datai dilangit, diak dilangit tu sebayan agi jauh. Agi jauh meh pejalai sida tu kin, keno ensera bisi bebulan beminggu nya baru sida mansa sebayan.
Pulai ngagai jerita sida Bujang Liba tadi. Nya meh tanda munsuh bisi ba din ko ati sida ke bujang berandau laban bisi munsuh nyaga tangga langit, ya ga bebesai antu gerasi sereta remaung gerasi, sida pan ngetu dulu enda jauh ari nya, ngetu sida tu ba kaki bukit, bisi ka makai bisi ka belelak dulu.
Udah nya aku pan deka belelak dulo aok..
ila nampung baru ba ensera (Jerita Bujang Liba) Tusun ke 6.
#SelamatLemai
#KenangLemambang
Gambar baruh tu semina pengias aja
Ulasan
Catat Ulasan