Jerita Bujang Liba Tusun 9

Diak sida tiga enggau pengayau bukai deka ngayau Rumah Panjai Munsuh Baruh Tangga Langit sebedau ngayau dilangit ila. Diak pagi nya sida tiga pan nurun udah bebali diri nyada Mensia Antu Gerasi. Keno ko ensera Mensia Antu Gerasi tu baka mensia memagang, semina ka besai tubuh aja, ia ke Antu Gerasi ngeninggi nya pemesai.

Maia pintu dibuka diak Bujang Liba enggau Guntur meda mensia siku tak naka pemesai, tubuh ia bisi ngemesai sedepa kitai tubuh. Alu seduai meda pala Remaong Gerasi tu besai sepemerap tuai. Diak Bujang Liba, Keling enggau Guntur alu berunding naka penguntung bulih pala Remaong Gerasi nya enti udah dipumpung ko anak ati sida din.

Nyadi Guntur bisi berasai berangat isik ka nguji mumpung pala Remaong Gerasi ia ulih ko ia ba ati din. Alu bisi sida serumah panjai antu diak bisi madah ke sida ia,nya meh Remaong Gerasi ti dikumbai Remaong Gerasi. Keling, Bujang Liba enggau Guntur bisi juluk ati ka napat ke Remaong Gerasi enti ngayau pagila.

Udah Remaong Gerasi duduk diak ia meri jako tangkan nyadi pagila sida ka munuh ulun 7 iku mensia alu isik sida ulun enya mesti dempa ko Remaong Gerasi. Udah Remaong Gerasi bejako tadi diak sida kabukai alu nyeraoh madah "Pia Meh Remaong Gerasi". Diak udah tembu nyeraoh lima kali diak sida alu muka pengerami.

Dambi genuk labo ke takal mungkal alu di isi ai tuak naka pemisa alu disadung genap iko mensia antu ke malam nya. Datai ba diak Keling sida tiga minta setajau ai tuak siko dirup sida laban ko sida tiga ti segenuk selabo aja enda cukup dirup ia. Meda kenya diak sida alu ngambi setajau tuak laban ka dirup sida tiga deh. Datai setajau siko tadi diak alu dirup Keling peda dilanggak dirup Keling.

Peda sida ke bisi meda alu manjung gaga meda Keling nyau terambis penyampau ai tuak setajau nya tadi. Ba ensera tajau nya naka pemesai sepemerap aja digagak ngena tanah liat.
Pulai agai jerita Bujang Liba tadi, lebuh sida balat ngirup mabuk diak Guntur madah ngaga diri mabuk agai sida ke nunga seduai tadi.

Alu Guntur madah ka nyadi jaga ulun ba tanju ko Guntur madah angka bisi diberi petara pengaruh bisa ko Guntur madah ka sida tadi. Meda kenya diak mandal Remaong Gerasi ti bernama Raja Remaong Gerasi ngasuh Guntur ke tanju kin tindok ko ia madah laban manah ga ti bisi orang ka nyaga ulun ke malam nya ngica ulun enda lari ko ia madah agai sida tadi.

Raja Remaong Gerasi majak ngirup aja nyau lapan tajau dirup ia sekali laban tubuh ia besai. Udah nya alu ngemulai diri kebilik ia tadi laban ia tembu ka gauk enggau bini ia. Nyadi bini Remaong Gerasi tu ko tuai nusi bisi 25 iku indu dara, sereta maioh anak enggau bini ia. Meda kenya diak Bujang Liba enggau Keling majak ja ngirup sengirup meda Guntur nyau pansut ke tanju alu napat ke indu dara ti bajik tadi ti nyadi ulun Remaong Gerasi alu ka disayat nyadi sengkelan orang pagila.

Diak Bujang Liba nemu Guntur bisi ati ka ngambi indu dara ulun ti bajik nya nyadi ke bini. Nyadi malam nya diak ketegal indu dara bansa mensia rindu ati begulai enggau Bujang Liba, Keling enggau Guntur laban meda Bujang Liba tu balat ka ngirup alu sida bertundi enggau ia ti ngujung bala ke lelaki bansa mensia gerasi tu tadi bisi pedis ati meda Bujang Liba enggau Keling ditutu indu dara bansa sida ia.

Ngujung Keling enggau Bujang Liba dibai sida betapat berkuntau.Tang sida ia alah magang laban Keling enggau Bujang Kiba tu sikal sereta kering ngalah ke sida berpekit ba main dibai sida kemalam nya. Pengudah bertapat diak Bujang Liba alu ngenuduk kediri ngerimbai Keling.

Seduai rindu amai ke malam nya taja Keling tuai agi ari Bujang Liba tang Bujang Liba rindu begulai ngau Keling enggau Guntur tang Guntur nadai diak malam nya, laban ka nyaga indu dara ditanju din, sinu Guntur meda indu dara dikurung urang. Bujang Liba bebasa endar ke Guntur . Guntur tu bisi ngembuan ati rurus sereta manah basa enggau orang.

Nyadi lebuh ari ka pagi diak Keling enggau Bujang Liba  kena tanjah ai tuak indu dara bansa Mensia Gerasi ti ngujung arang celum dunsut ba tubuh tadi nyau nadai alu dipeda sida ia tubuh Keling enggau Bujang Liba nyau bisi burak kulit ngujung sida nyau tergepang ati alu berandau nya meh munsuh sida ia tang Bujang Liba empelah madah ketegal baka nya laban ai tuak nya bisi racun ngasuh tubuh ia bebali nyadi burak ko Bujang Liba madah.

Meda baka nya alu nanjah diri sida ke indu dara tadi ngica burak baka Bujang Liba engau Keling tang bedau meh sida ia celum ga. Alu nanya sida kabukai nama tubuh kulit sida enda burak baka  enggi Bujang Liba enggau Keling deh. Diak Bujang Liba madah engka racun nya mina ngasuh ba tubuh ia ngujung sida pecaya tang bisi ketuai siko antu gerasi menawa nemu Bujang Liba nya munsuh sida ia laban Ketuai Antu Gerasi Menawa bisi meda ukir Ditempa Aki Sengalang Burung endang enggi ungkup Bujang Liba ada ke dunya Tungkat Mua Ari Bujang Liba ti dikait Bujang Liba ba tanduk rusa ba ruai ia tadi.

Lebuh pagi diak laban Ketuai Antu Gerasi Menawa ngemai Bujang Liba enggau Keling pulai ke ruai ia kin, datai ba ruai Ketuai Antu Gerasi Menawa diak Bujang Liba alu madah agai Gerasi Menawa ka ngayau sekayu rumah panjai tu ko ia madah ke Ketuai Antu Gerasi Menawa alu ia ngasuh Gerasi Menawa ngelari kediri alu ngemai sida ke mit enggau sida ke tuai lari dulu ko Bujang Liba madah ke Gerasi Menawa alu Bujang Liba enggau Keling minta ampun agai Gerasi laban sida ka bebalas ke pemarai bansa dayak ti kala dikayau sida Remaong Gerasi suba.

Diak Ketuai Antu Gerasi Menawa tusah ati laban nemu Bujang Liba, Keling enggau Guntur nya munsuh bansa ia alu Gerasi Menawa madah ke ia enti ia idup baru ila lebuh ada ke dunya ia ka nyadi madik Bujang Liba ko ia merap Bujang Liba. Bujang Liba alu minta tawak ba Gerasi Menawa alu ngasuh Gerasi Menawa ngelari kediri enggau orang ti ka pecaya ke Gerasi Menawa.

Diak Gerasi Menawa alu berumban ngemai bala ke sida bansa ia ke dikerindu ia aja lari. Bisi Gerasi Menawa madah agai sida kabukai tang sida enda pecaya laban sida nemu Ketuai Antu Gerasi Menawa nya setengah tiang.

Pemaioh ka nitih Gerasi Menawa lari mina 50 pintu aja ari pemanjai beratus pintu ba rumah panjai nya tadi. Bala pengabang enggau sida sarumah ketawa lelekik meda pemelik sida 50 pintu nya nitih penemu setengah tiang Gerasi Menawa. Lebuh sida Gerasi Menawa ngelebus ari pintu menoa alu nadai dipeda kemayang sida ia, nyau kira ka tengahari diak Bujang Liba mangkong tawak Bisi tujuh kali enggau naka pengingar ti ngujung didinga sida sarumah panjai Remaong Gerasi tadi kumbai sida begawai sengkelan tang nyau begau ninga nyawa munsuh naka pengingar nya melulung rumah panjai Remaong Gerasi inga terkaoh bala dayak merung beraoh nanda sida datai nyerang.

Naka pengingar nyau berenyang tanah. Diak Bujang Liba ke tanduk rusa ba ruai Gerasi Menawa peda ia ilang Guntur alu bisi tanda Guntur udah pansut Ari menoa rumah panjai munsuh. Ia nemu Guntur ngelepas ke ulun ka nyadi sengkelan sida Remaong Gerasi ke tengahari nya.

Udah aku tu ka nampung baru jerita bujang liba tusun 10.
Terima kasih nuju semua.

#kenanglemambang
#kenanglemambang@sarawakdayaks
#kenang-lemambang.blogspot.com
Baruh tu semina gambar pengias aja.

Ulasan

Catat Ulasan

Catatan popular daripada blog ini

Jerita Igat Tarang enggau nembiak manchal (PEMULAI SEDUAI)

Imej
Udah Igat Tarang pulai ari langkau umai, diak ia bisi ngara Bunsu Bubut. Bacha abis auk jerita tu auk. Udahnya tadi sida benung nyenggai tudah Igat Tarang ti udah parai laban kena pansa utai ko sida. Nyadi pemarai Igat Tarang tu nyelai amai ,udah pulai ari langkau umai ba seberai sungai sida alu niki ke rumah panjai tadi alu kekesah minta sah enda sempat bejako diak ia alu luput tekalanya ba ruai alu jampat sida katuai. Tang enda sempat ngubat tudah Igat Tarang diak sida madah  Igat Tarang tu mati meh tadi. Mayuh meh orang nyabak ke Igat Tarang tu tadi laban sinu ke pemanah ia ,sereta bala kabukai bepadah kulu kili madah ke sepengabang sida semenua nya tadi madah ke Igat Tarang nya udah lesi. Keno ko orang tuai nusi, pemanah Igat Tarang tu amai besai sereta dikenangi maioh laban ia endang beberita manah ati sereta lempung tulang nulung bansa diri maia tusah. Nyadi mayuh meh orang datai ngesah pengerabat bala Igat Tarang tu tadi. Pemayuh kaban belayan sereta orang ke ngelala Igat
Baca lagi

Kebuah Besempama

(Kebuah Besempama) Urang Iban besempama ngambika ngayanka penalam enggau pemesai basa lebuh ke begulai enggau pangan diri, diri serumah, diri semenua tauka lebuh ngambat penatai temuai. Sempama tu baju basa ti diajar apai indai ngagai bala anak sida. Adat besempama nya adat basa ti endang dititi temali ari aki ini raban bansa Iban kelia. Sempama ulih dikena apai indai ngajar tauka meransang anak sida baik dalam ulah tauka dalam pelajar sekula. Sekeda chunto sempama ti ulih dikena bala apai indai meransang anak sida baka genggam bara api datai ke nyadi arang tauka baka tekura enggai enda tepantup ba bandir. Bala tuai mega ngelalau tauka meri jaku tangkan ngagai anak nembiak sida ngena jaku sempama. Sekeda sempama tau dijadika jaku tangkan dikena ngelalauka pendiau, ulah pengawa enggau jaku mensia siku-siku awakka enda tekelalu lunggar. Peratika chunto di baruh tu: 1. Anang baka kera naruk 2. Titihka ulah ti manah baka daun tangkup-daup Bansa Iban tebilang dipuji bala temuai ti
Baca lagi

Panjuk "TAJU" Remaung enggau balas Danjan

Imej
Kepuas ke bejalai, sida pan datai ba kaki bukit kenyalang. Enda jauh ari nya diak ai sungai Mali sereta dalam ai nya mayuh ikan enseluai, buing, kenyulung enggau ikan bukai. Enti benasib, suah mega sida bulih ikan besai. Lapa dih, sida Nyaing enggau Apung pan belabuh ngasu. Ke ulu, ke ili peda bisi amat bekau pelanduk. Ke ulu agi, bisi agi. Peda enda berasai bejalai kin kia nyau lucak bekau tanah ditujah sida. Asaika enggai mih sida pulai. Nyau bebungai asai ati. Benung bepilihka jelu ka disumpit, ka dipanjuk, ka ditikau enggau sankuh, dia siku antara sida ke benama Lungga Labi lalu bejaku, “Wai...nyau begeriuk perut aku. Tak enda ulih tat. Pulai dulu aku.” Amat ga tudah tuai, ketegal ke menawa lelabi, nya mih nangi takutka menawa lelabi nyau mulan tauka datai baru. Akih tu menawa mimit pemedis ia ari urang bukai, enda sebaka, laban kudah makai ludah lelabi menawa sereta bulih belama lelabi. Pia mega utai diketup ia ba nyawa, putus magang. Nya mih ia dikangau ka urang Lungga Labi.
Baca lagi