Jerita Endu Bulan enggau Endu Bintang (Tusun 1)
(Jerita Endu Bulan enggau Endu Bintang) Tusun 1
Sekumbang Apai enggau Indai Endu Bintang enggau Endu Bulan udah nadai. Seduai diau ba langkau umai.
Nama chara tua ngidup ka diri diau kadiri-diri nadai apai nadai indai, orang bukai pan nadai ga bisi ditemu diau semak tua ditu ?” ko iya. “Nama dih chara !” pia ko Endu Bulan.
“Tusah diau ditu bakatu meh tua nganti seput diri empu ke apus. Ti nuan bisi nemu runding nuan mih berunding ka tua. Aku nadai ati deka berunding laban ati kelalu tusah,” ko iya nyaut adi iya. “Aku bisi runding,” ko Endu Bulan. “Tang runding nya nemu ke ulih nemu ka enda dikereja tua.
Tang ko ati aku din enda tau enda diuji tua panjong ka runding datai ari diri empu,” ko iya nyaut aka iya tadi. “Tua,” ko iya, “diau ditu tusah, orang nadai enggau begulai. Apai indai sama udah parai. Nya alai ko penemu aku, tua pan nadai mih lama alai tua parai. Enggai-enggai pan tua mindah, mindah ga tua ari rumah tu,” pia ko iya bejako enggau aka iya Endu Bintang.
“Aku tak nadai runding, nadai jako maioh, ti mindah ko nuan, nya mindah ga mih tua,” ko Endu Bulan. “ enti nuan deka nurut ka runding aku. Pagila tua nurun ngiga indai tua ngagai menoa sabayan kin,” ko Endu Bintang. “Enti nuan mai ka sabayan, nya ka sabayan ga mih tua,” ko Endu Bulan. “Kini ka tunga jalai indai nurun tadi peda nuan dimimpi?” ko Endu Bintang.
“Tuju nanya pejalai iya peda aku tunga ngagai matahari mati, tang batang jalai naka ke dipeda ari pala tangga, udah nya masok babas, iya nyau nadai ayan agi,” ko . Seduai lalu besikap lalu nurun nitih ka kuing tuju jalai indai seduai dipeda . Bulan dulu Bintang dudi. Bejalai kenu seduai sapagi-pagi, hari pan nyau ka tengah hari seduai pan ngetu nyau lembut tulang.
Seduai ke bejalai nya tadi belauk kasam enggau sulai babas kena teruju indai seduai mansang mati.
“Aih dih,” ko seduai bejako enggau diri sama diri. “Naka mih pengelelak tulang tu. Setak hari tu tua udah bejalai lalu nadai ge meda indai,” pia ko seduai bejako enggau diri sama diri dia. Nyau kelama seduai udah ngetu dia, seduai bisi ninga orang bejako, tang tuboh nadai dipeda. “Oi Bulan seduai Bintang, ti seduai aus, tu ai ke di irup seduai.” Tak malik mih seduai ngagai tunga nyawa ke bemunyi.
Dia seduai tepeda ka dua iti ruas buloh disandih ka ba selepak bandir pengerawan. Endu Bulan lalu nanggong ruas nya. Tilik iya peda iya penoh laban ai. Seduai lalu ngirup. Udah nya seduai angkat lalu bejalai. Enda bangat jauh ari nya seduai bisi ninga nyawa ari pun kayu empelai sakayu. “Oi seduai Endu tu asi seduai ditinggal ka indai seduai ba kami ditu,” ko nyawa orang ngangau ka seduai.
Seduai lalu nyengok ngagai pun kayu nya. Dia seduai lalu meda asi pulut dua ruas. Andal bendar mih ati seduai meda utai bisi ditinggal ka indai ba rantau jalai kai seduai. Ati seduai mega ngadang indai seduai tentu ulih titih ka seduai apin iya datai di sabayan din. Seduai ngetu enda lama dia, semina seduai ngabis ka asi pulut saruas siko ulih seduai ngambi ba bandir empelai. Udah nya seduai lalu mupok ga bejalai baru. Nyau kelama seduai udah bejalai, jalai pen nyau mansang tawas. Hari pan nyau lemai.
Matapanas nyau muchok raras. Enda lama udah nya hari pan nyau malam. Seduai enda ulih mindah agi lalu bemalam dia, tindok ba selepak bandir kayu. Ba bandir nya alai seduai tindok tak udah sedia tikai pua kibong enggau panggal. Meda utai tak nyelai bakanya, seduai lalu bejako enggau diri sama diri.
“Anang tua tindok ba perengka tindok nya. Kada enda utai antu,” pia ko seduai. Seduai pan baru badu bejako munyi nya, dinga seduai tak bemunyi babas semak seduai ke tindok. Seduai lalu sama malik ngagai utai ke bemunyi. Peda seduai tak bisi indu siko pansut ari dalam babas. Gamal indu nya tengan pemesai, lalu pemanah iya peninggi. Indu nya lalu nanya seduai. “Kati seduai nya dia Endu Bulan?” ko iya.
“Au, kami dua mih tu ditu,” ko seduai nyaut. “Tindok mih seduai. Seduai udah lelak bejalai saharitu. Dia mih seduai tindok. Perengka nya enggi kami tang diinjau indai seduai tadi asoh iya kena seduai,” ko indu nya. “Eh, sapa nuan nya dih ? Kami ga enda ngelala nuan,” pia ko seduai nanya indu nya. “Aku tu Bunsu Kamba, menoa kami mih tu ditu. Tindok mih seduai. Anang irau ati, nadai utai nganu seduai ditu,” pia ko iya bejako enggau seduai. Udah nya Bunsu Kamba nya tadi lalu lesap.
Jenak bendar seduai iya tindok malam nya. Seduai nyau asai ke tindok dalam rumah diri empu. Leboh seduai dani kenyap, seduai ingat ka diri tindok dalam kampong. Leboh hari nyau tawas seduai pan dani. Antu Kamba pan datai baru. Leboh iya datai dia iya lalu muka kibong seduai, lalu ngiling tikai penindok. Kibong enggau pua lalu ditikal iya manah-manah. Enda lama udah nya datai ga Bunsu Kamba siko lalu nganjong pemakai ka seduai. Seduai pan lalu makai.
Kenyang bendar seduai makai pagi nya. Sereta udah badu makai, seduai lalu besikap, sereta tembu besikap seduai lalu mupok bejalai. Jalai ditengah seduai tawas bendar, makin jauh makin tawas. Ati seduai berasai tak rindu nengah jalai, laban maioh utai manah dipeda maioh utai nyelai. Tang taja pia, leboh maia seduai ingat ka penusah, ai mata seduai ngenjing bakarenjoi laboh nurun kuyu seduai.
Bejalai mih seduai sapagi-pagi nya, leboh hari nyau deka tengah hari seduai pan lalu datai ba pun kayu gerunggang sakayu. “Ngetu ! Endu Bulan,” pia ko jako Kayu Gerungang nya ngangau ka seduai. Ninga munyi nya seduai pan lalu ngetu dia. “Tu penganan seduai tinggal ka indai seduai ba kami. Nya diengkah iya ba selepak bandir,” pia ko Kayu Gerunggang bejako. Seduai lalu malik, meda amat bisi penganan ba pun kayu nya.
Seduai lalu ngambi penganan nya, lalu makai iya. Udah badu makai penganan, seduai lalu mupok baru ga bejalai. Jalai ditengah seruran agi mengkang tawas. Bejalai seduai salemai-lemai nya. Hari pan malam seduai pan datai ga ba kaki munggu sigi. Ba kaki munggu nya seduai betemu enggau indu siko ngena baju mansau. “Ngetu ditu ! Anang enda ngetu ditu seduai,” pia ko indu nya ngangau ka seduai.
Indu nya tadi lalu ngansak semak ngagai seduai. Iya lalu bejako, “Kati seduai nya Endu Bulan endu bintang?” ko iya. “Au mih, kami dua mih tu,” ko iya. “Kini ka pemansang seduai dih ?” ko iya. “ kami dua tu deka nitih ka indai. Indai kami dua udah parai,” pia ko seduai nyaut indu nya. “Kati jalai kami dua tu kena ?” pia ko Bintang ga nanya indu nya. “Au,” ko indu nya nyaut. “Kena mih jalai seduai.
Tu mih jalai seduai nitih ka iya. Bisi iya udah mansa ditu. Bisi iya udah ninggal ka sagun enggau letup ka seduai ditu,” pia ko indu nya. Iya lalu ngambi letup enggau sagun lalu nyua ka nya ngagai seduai. Seduai lalu bemalam dia. Malam nya seduai tindok begulai enggau indu nya tadi. Tindok dalam rumah sabuah enda berapa besai iga. Rumah nya semak bendar ari tisi jalai. Pagi siti seduai pan bejalai baru.
Nyau kelama seduai udah bejalai endor seduai rembus ba genting siti. Ba genting nya bisi batu dua igi berimbai melintang ba tengah-tengah arong jalai. Nyelai bendar batu nya, laban iya tau nikup tau mega nelenga. Leboh iya tikup, jalai nya lalu alit. Leboh iya telenga nya baru jalai nya bisi jalai orang mansa. Maioh bendar tulang jelu enggau tulang mensia dipeda seduai dia. Nya tulang mensia enggau jelu ke mati kena apit batu nya leboh iya nikup ka diri.
Nya alai nama batu nya dikumbai batu Tekup Bedaup. Lama bendar seduai berunding ka jalai diri nengah batu nya. Seduai lalu bediri semak batu, seduai lalu ngeruntu belanda. Seduai pan ngelebus batu nya lalu tikup baru. Penginggar batu nya leboh iya kai nikup, ukai main-main ngenjing munyi ngitar leboh maia hari jai. Bejalai seduai ari nya lalu datai ba genting batu bedulang. Batu nya besai bendar lalu ngeruang baka dulang. Dalam keruang batu nya penoh laban ai.
Ai nya chukop penyelap sereta chiru endar. Dia seduai lalu ngetu mandi. Tekenyit bendar seduai leboh seduai mandi dia. Kabuah alai seduai tekenyit laban seduai meda samoa perengka pemandi tak bisi sedia dia magang. , batu , sampang bungai sama bisi dia magang. Seduai pan lalu mandi. Leboh seduai mandi nya tadi, dia seduai meda bekau orang mandi agi baru bendar, endang agi meruan basah.
“Sapa mih orang ke mandi ditu tadi ?” ko seduai bejako enggau diri sama diri. Ko Bintang,” Kada enda tu bekau indai,” ko iya.”Nyangka tak apin lama udah ngelebus ari tu.” Seduai lalu bejalai baru ninggal ka genting batu bedulang nya. Enda lama iga udah nya seduai pan lalu rembus ba moa lubang baru. Ba moa lubang nya seduai ngetu dudok enda lama. Udah nya seduai lalu tama bejalai nengah lubang nya. Enda lama iga alai seduai lalu rembus ba lebak siti ke kerong bendar.
Lebak nya dikelingi tingkah batu. Nyengkar lebak nya bisi jalai siti panjai Bendar. Jalai nya tawas bendar sereta luas. Seduai nengah jalai nya. Pemadu mih pengerawan ati seduai leboh ke bejalai. Enda bangat jauh ari nya seduai pan lalu rembus ba pendai orang.
Ba pendai nya dia seduai lalu betemu enggau indai seduai. Sereta seduai meda iya. “O, nuan nya indai,” . Indai iya malik lalu meda Endu Bulan enggau Endu Bintang bediri semak iya. “O, anak,” ko indai bejako. “Kini ka seduai dih ?” “kami dua nitih ka nuan. Kami dua enda betah diau kediri-diri di rumah. Nya alai kami sama deka enggau nuan mati,” pia ko seduai nyaut.
Udah nya sida tiga lalu sama-sama niki ka rumah. Datai di rumah, seduai lalu nitih ka indai tama ka bilik. Maioh bendar orang dipeda seduai dalam rumah nya, tang siko pan nadai ga orang rindu meda seduai. Orang enggai nanya, enggai nyaut seduai. Malam nya seduai begulai enggau indai seduai apai ba menoa sabayan. Tang apai enda mega rindu meda seduai, semina indai deka bejako enggau seduai.
Pagi siti indai bejako enggau seduai. “Aku udah mati. Aku enda tau pulai ka menoa kitai agi. Seduai pan enda ga tau enggau aku diau ditu. Seduai enda tau enda pulai,” pia ko jako iya. Nya alai ko seduai nyaut indai. “ Kami dua enggai pulai nama nuan enda enggau. Pulai pan kami dua nadai ga orang ditapat ka kami di menoa,” pia ko jako seduai nyaut indai iya tadi. “Nya kabuah kami dua ka nyau nurun laban kami enggai diau di menoa din agi.” “Dini seduai tau enggau kami diau ditu. Samengat seduai agi diau di menoa.
Diatu tusah samengat seduai di menoa ngiga seduai. Nya alai seduai enda tau diau ditu. Umor seduai ga apin abis. Orang diau ditu enggai begulai enggau seduai. Jemah ila nadai mih tunga seduai kabukai. Laban samoa kitai mensia kai mati endang sigi pulai ka sabayan kitu magang-magang,” pia ko indai bejako enggau seduai. “Enti munyi nya deka ga kami dua pulai, tang kati ko kami dua pulai, kami dua ga enda ingat ka simpang jalai kami dua ke mansang,” pia ko seduai.
“Enti seduai enda ingat ka simpang jalai tau ga aku nganjong seduai lagi. Tang apin kitai mupok, aku dulu meri ajar mimit ngagai seduai,” ko indai. “Seduai begulai enggau diri menyadi manah-manah. Anang belaya. Sabengkah agi, enti sema orang bisi deka nupi nengkani seduai, seduai anang enda ngasi ka orang nya. Seduai enda tau enda diau enggau pendiau ke baroh lalu bebasa ka samoa orang, baik seranta baik orang raja.
Seduai enda tau enda ngasi lalu bebasa ka mentua seduai, sereta siru enggau sida. Bakanya mega enggau orang datai enggau temuai. Seduai enda tau enda belajar ka adat enggau pemanah basa bansa asal kitai empu,” ko indai seduai ngajar seduai di sabayan din. Endu Bulan seduai Endu Bintang sama enda memunyi. Tang seduai iya nyimpan samoa utai nya dalam ati diri.
Udah nya sida tiga lalu nyau nurun. Indai nganjong seduai ngagai Batu Tekup Bedaup. Leboh sida tiga datai dia ba Batu Tekup Bedaup, indai lalu ngasoh seduai mejam ka mata diri. Leboh seduai udah pejam, seduai pan enda nemu endor diri agi tang seduai asai ke tindok. Udah nya seduai lalu tedani. Leboh seduai tedani lalu nemu diri tak terengkah ba tanju rumah sida iya empu di Sungai Ai Menyan baka beris Ujan Sahari . Seduai lalu nat ka diri diau dia nadai mindah kiba kanan agi, seduai lalu ngidup ka diri.
#bekeberai
#kenanglemambang
#selamatmalam
Sekumbang Apai enggau Indai Endu Bintang enggau Endu Bulan udah nadai. Seduai diau ba langkau umai.
Nama chara tua ngidup ka diri diau kadiri-diri nadai apai nadai indai, orang bukai pan nadai ga bisi ditemu diau semak tua ditu ?” ko iya. “Nama dih chara !” pia ko Endu Bulan.
“Tusah diau ditu bakatu meh tua nganti seput diri empu ke apus. Ti nuan bisi nemu runding nuan mih berunding ka tua. Aku nadai ati deka berunding laban ati kelalu tusah,” ko iya nyaut adi iya. “Aku bisi runding,” ko Endu Bulan. “Tang runding nya nemu ke ulih nemu ka enda dikereja tua.
Tang ko ati aku din enda tau enda diuji tua panjong ka runding datai ari diri empu,” ko iya nyaut aka iya tadi. “Tua,” ko iya, “diau ditu tusah, orang nadai enggau begulai. Apai indai sama udah parai. Nya alai ko penemu aku, tua pan nadai mih lama alai tua parai. Enggai-enggai pan tua mindah, mindah ga tua ari rumah tu,” pia ko iya bejako enggau aka iya Endu Bintang.
“Aku tak nadai runding, nadai jako maioh, ti mindah ko nuan, nya mindah ga mih tua,” ko Endu Bulan. “ enti nuan deka nurut ka runding aku. Pagila tua nurun ngiga indai tua ngagai menoa sabayan kin,” ko Endu Bintang. “Enti nuan mai ka sabayan, nya ka sabayan ga mih tua,” ko Endu Bulan. “Kini ka tunga jalai indai nurun tadi peda nuan dimimpi?” ko Endu Bintang.
“Tuju nanya pejalai iya peda aku tunga ngagai matahari mati, tang batang jalai naka ke dipeda ari pala tangga, udah nya masok babas, iya nyau nadai ayan agi,” ko . Seduai lalu besikap lalu nurun nitih ka kuing tuju jalai indai seduai dipeda . Bulan dulu Bintang dudi. Bejalai kenu seduai sapagi-pagi, hari pan nyau ka tengah hari seduai pan ngetu nyau lembut tulang.
Seduai ke bejalai nya tadi belauk kasam enggau sulai babas kena teruju indai seduai mansang mati.
“Aih dih,” ko seduai bejako enggau diri sama diri. “Naka mih pengelelak tulang tu. Setak hari tu tua udah bejalai lalu nadai ge meda indai,” pia ko seduai bejako enggau diri sama diri dia. Nyau kelama seduai udah ngetu dia, seduai bisi ninga orang bejako, tang tuboh nadai dipeda. “Oi Bulan seduai Bintang, ti seduai aus, tu ai ke di irup seduai.” Tak malik mih seduai ngagai tunga nyawa ke bemunyi.
Dia seduai tepeda ka dua iti ruas buloh disandih ka ba selepak bandir pengerawan. Endu Bulan lalu nanggong ruas nya. Tilik iya peda iya penoh laban ai. Seduai lalu ngirup. Udah nya seduai angkat lalu bejalai. Enda bangat jauh ari nya seduai bisi ninga nyawa ari pun kayu empelai sakayu. “Oi seduai Endu tu asi seduai ditinggal ka indai seduai ba kami ditu,” ko nyawa orang ngangau ka seduai.
Seduai lalu nyengok ngagai pun kayu nya. Dia seduai lalu meda asi pulut dua ruas. Andal bendar mih ati seduai meda utai bisi ditinggal ka indai ba rantau jalai kai seduai. Ati seduai mega ngadang indai seduai tentu ulih titih ka seduai apin iya datai di sabayan din. Seduai ngetu enda lama dia, semina seduai ngabis ka asi pulut saruas siko ulih seduai ngambi ba bandir empelai. Udah nya seduai lalu mupok ga bejalai baru. Nyau kelama seduai udah bejalai, jalai pen nyau mansang tawas. Hari pan nyau lemai.
Matapanas nyau muchok raras. Enda lama udah nya hari pan nyau malam. Seduai enda ulih mindah agi lalu bemalam dia, tindok ba selepak bandir kayu. Ba bandir nya alai seduai tindok tak udah sedia tikai pua kibong enggau panggal. Meda utai tak nyelai bakanya, seduai lalu bejako enggau diri sama diri.
“Anang tua tindok ba perengka tindok nya. Kada enda utai antu,” pia ko seduai. Seduai pan baru badu bejako munyi nya, dinga seduai tak bemunyi babas semak seduai ke tindok. Seduai lalu sama malik ngagai utai ke bemunyi. Peda seduai tak bisi indu siko pansut ari dalam babas. Gamal indu nya tengan pemesai, lalu pemanah iya peninggi. Indu nya lalu nanya seduai. “Kati seduai nya dia Endu Bulan?” ko iya.
“Au, kami dua mih tu ditu,” ko seduai nyaut. “Tindok mih seduai. Seduai udah lelak bejalai saharitu. Dia mih seduai tindok. Perengka nya enggi kami tang diinjau indai seduai tadi asoh iya kena seduai,” ko indu nya. “Eh, sapa nuan nya dih ? Kami ga enda ngelala nuan,” pia ko seduai nanya indu nya. “Aku tu Bunsu Kamba, menoa kami mih tu ditu. Tindok mih seduai. Anang irau ati, nadai utai nganu seduai ditu,” pia ko iya bejako enggau seduai. Udah nya Bunsu Kamba nya tadi lalu lesap.
Jenak bendar seduai iya tindok malam nya. Seduai nyau asai ke tindok dalam rumah diri empu. Leboh seduai dani kenyap, seduai ingat ka diri tindok dalam kampong. Leboh hari nyau tawas seduai pan dani. Antu Kamba pan datai baru. Leboh iya datai dia iya lalu muka kibong seduai, lalu ngiling tikai penindok. Kibong enggau pua lalu ditikal iya manah-manah. Enda lama udah nya datai ga Bunsu Kamba siko lalu nganjong pemakai ka seduai. Seduai pan lalu makai.
Kenyang bendar seduai makai pagi nya. Sereta udah badu makai, seduai lalu besikap, sereta tembu besikap seduai lalu mupok bejalai. Jalai ditengah seduai tawas bendar, makin jauh makin tawas. Ati seduai berasai tak rindu nengah jalai, laban maioh utai manah dipeda maioh utai nyelai. Tang taja pia, leboh maia seduai ingat ka penusah, ai mata seduai ngenjing bakarenjoi laboh nurun kuyu seduai.
Bejalai mih seduai sapagi-pagi nya, leboh hari nyau deka tengah hari seduai pan lalu datai ba pun kayu gerunggang sakayu. “Ngetu ! Endu Bulan,” pia ko jako Kayu Gerungang nya ngangau ka seduai. Ninga munyi nya seduai pan lalu ngetu dia. “Tu penganan seduai tinggal ka indai seduai ba kami. Nya diengkah iya ba selepak bandir,” pia ko Kayu Gerunggang bejako. Seduai lalu malik, meda amat bisi penganan ba pun kayu nya.
Seduai lalu ngambi penganan nya, lalu makai iya. Udah badu makai penganan, seduai lalu mupok baru ga bejalai. Jalai ditengah seruran agi mengkang tawas. Bejalai seduai salemai-lemai nya. Hari pan malam seduai pan datai ga ba kaki munggu sigi. Ba kaki munggu nya seduai betemu enggau indu siko ngena baju mansau. “Ngetu ditu ! Anang enda ngetu ditu seduai,” pia ko indu nya ngangau ka seduai.
Indu nya tadi lalu ngansak semak ngagai seduai. Iya lalu bejako, “Kati seduai nya Endu Bulan endu bintang?” ko iya. “Au mih, kami dua mih tu,” ko iya. “Kini ka pemansang seduai dih ?” ko iya. “ kami dua tu deka nitih ka indai. Indai kami dua udah parai,” pia ko seduai nyaut indu nya. “Kati jalai kami dua tu kena ?” pia ko Bintang ga nanya indu nya. “Au,” ko indu nya nyaut. “Kena mih jalai seduai.
Tu mih jalai seduai nitih ka iya. Bisi iya udah mansa ditu. Bisi iya udah ninggal ka sagun enggau letup ka seduai ditu,” pia ko indu nya. Iya lalu ngambi letup enggau sagun lalu nyua ka nya ngagai seduai. Seduai lalu bemalam dia. Malam nya seduai tindok begulai enggau indu nya tadi. Tindok dalam rumah sabuah enda berapa besai iga. Rumah nya semak bendar ari tisi jalai. Pagi siti seduai pan bejalai baru.
Nyau kelama seduai udah bejalai endor seduai rembus ba genting siti. Ba genting nya bisi batu dua igi berimbai melintang ba tengah-tengah arong jalai. Nyelai bendar batu nya, laban iya tau nikup tau mega nelenga. Leboh iya tikup, jalai nya lalu alit. Leboh iya telenga nya baru jalai nya bisi jalai orang mansa. Maioh bendar tulang jelu enggau tulang mensia dipeda seduai dia. Nya tulang mensia enggau jelu ke mati kena apit batu nya leboh iya nikup ka diri.
Nya alai nama batu nya dikumbai batu Tekup Bedaup. Lama bendar seduai berunding ka jalai diri nengah batu nya. Seduai lalu bediri semak batu, seduai lalu ngeruntu belanda. Seduai pan ngelebus batu nya lalu tikup baru. Penginggar batu nya leboh iya kai nikup, ukai main-main ngenjing munyi ngitar leboh maia hari jai. Bejalai seduai ari nya lalu datai ba genting batu bedulang. Batu nya besai bendar lalu ngeruang baka dulang. Dalam keruang batu nya penoh laban ai.
Ai nya chukop penyelap sereta chiru endar. Dia seduai lalu ngetu mandi. Tekenyit bendar seduai leboh seduai mandi dia. Kabuah alai seduai tekenyit laban seduai meda samoa perengka pemandi tak bisi sedia dia magang. , batu , sampang bungai sama bisi dia magang. Seduai pan lalu mandi. Leboh seduai mandi nya tadi, dia seduai meda bekau orang mandi agi baru bendar, endang agi meruan basah.
“Sapa mih orang ke mandi ditu tadi ?” ko seduai bejako enggau diri sama diri. Ko Bintang,” Kada enda tu bekau indai,” ko iya.”Nyangka tak apin lama udah ngelebus ari tu.” Seduai lalu bejalai baru ninggal ka genting batu bedulang nya. Enda lama iga udah nya seduai pan lalu rembus ba moa lubang baru. Ba moa lubang nya seduai ngetu dudok enda lama. Udah nya seduai lalu tama bejalai nengah lubang nya. Enda lama iga alai seduai lalu rembus ba lebak siti ke kerong bendar.
Lebak nya dikelingi tingkah batu. Nyengkar lebak nya bisi jalai siti panjai Bendar. Jalai nya tawas bendar sereta luas. Seduai nengah jalai nya. Pemadu mih pengerawan ati seduai leboh ke bejalai. Enda bangat jauh ari nya seduai pan lalu rembus ba pendai orang.
Ba pendai nya dia seduai lalu betemu enggau indai seduai. Sereta seduai meda iya. “O, nuan nya indai,” . Indai iya malik lalu meda Endu Bulan enggau Endu Bintang bediri semak iya. “O, anak,” ko indai bejako. “Kini ka seduai dih ?” “kami dua nitih ka nuan. Kami dua enda betah diau kediri-diri di rumah. Nya alai kami sama deka enggau nuan mati,” pia ko seduai nyaut.
Udah nya sida tiga lalu sama-sama niki ka rumah. Datai di rumah, seduai lalu nitih ka indai tama ka bilik. Maioh bendar orang dipeda seduai dalam rumah nya, tang siko pan nadai ga orang rindu meda seduai. Orang enggai nanya, enggai nyaut seduai. Malam nya seduai begulai enggau indai seduai apai ba menoa sabayan. Tang apai enda mega rindu meda seduai, semina indai deka bejako enggau seduai.
Pagi siti indai bejako enggau seduai. “Aku udah mati. Aku enda tau pulai ka menoa kitai agi. Seduai pan enda ga tau enggau aku diau ditu. Seduai enda tau enda pulai,” pia ko jako iya. Nya alai ko seduai nyaut indai. “ Kami dua enggai pulai nama nuan enda enggau. Pulai pan kami dua nadai ga orang ditapat ka kami di menoa,” pia ko jako seduai nyaut indai iya tadi. “Nya kabuah kami dua ka nyau nurun laban kami enggai diau di menoa din agi.” “Dini seduai tau enggau kami diau ditu. Samengat seduai agi diau di menoa.
Diatu tusah samengat seduai di menoa ngiga seduai. Nya alai seduai enda tau diau ditu. Umor seduai ga apin abis. Orang diau ditu enggai begulai enggau seduai. Jemah ila nadai mih tunga seduai kabukai. Laban samoa kitai mensia kai mati endang sigi pulai ka sabayan kitu magang-magang,” pia ko indai bejako enggau seduai. “Enti munyi nya deka ga kami dua pulai, tang kati ko kami dua pulai, kami dua ga enda ingat ka simpang jalai kami dua ke mansang,” pia ko seduai.
“Enti seduai enda ingat ka simpang jalai tau ga aku nganjong seduai lagi. Tang apin kitai mupok, aku dulu meri ajar mimit ngagai seduai,” ko indai. “Seduai begulai enggau diri menyadi manah-manah. Anang belaya. Sabengkah agi, enti sema orang bisi deka nupi nengkani seduai, seduai anang enda ngasi ka orang nya. Seduai enda tau enda diau enggau pendiau ke baroh lalu bebasa ka samoa orang, baik seranta baik orang raja.
Seduai enda tau enda ngasi lalu bebasa ka mentua seduai, sereta siru enggau sida. Bakanya mega enggau orang datai enggau temuai. Seduai enda tau enda belajar ka adat enggau pemanah basa bansa asal kitai empu,” ko indai seduai ngajar seduai di sabayan din. Endu Bulan seduai Endu Bintang sama enda memunyi. Tang seduai iya nyimpan samoa utai nya dalam ati diri.
Udah nya sida tiga lalu nyau nurun. Indai nganjong seduai ngagai Batu Tekup Bedaup. Leboh sida tiga datai dia ba Batu Tekup Bedaup, indai lalu ngasoh seduai mejam ka mata diri. Leboh seduai udah pejam, seduai pan enda nemu endor diri agi tang seduai asai ke tindok. Udah nya seduai lalu tedani. Leboh seduai tedani lalu nemu diri tak terengkah ba tanju rumah sida iya empu di Sungai Ai Menyan baka beris Ujan Sahari . Seduai lalu nat ka diri diau dia nadai mindah kiba kanan agi, seduai lalu ngidup ka diri.
#bekeberai
#kenanglemambang
#selamatmalam
Ulasan
Catat Ulasan