Pentik Penyaga Pemali Umai

(Pentik Penyaga Pemali Umai).
Ngarap kitak ke nanya aku senentang tu macha enggau silik utai dipadah aku tu.
Tentu kala kitak ninga tu, ukai ga semina aku
aja kala ninga, laban mayuh macam macam pentik iban kala didinga, kala ditusi, kala dipeda aku, Ba pengarap kitai iban,penama tu dikumbai Pentik Penyaga Pemali Umai.Nyadi maia padi udah tuntun pungung tauka pengudah musin mantun rumput ba umai diak kitai sebansa iban tadi ngaga piring alu muai tembaga kena ngembing semengat pentik pemali tu nuju tengalan umai.Nyadi dua itik tembaga tauka besi tadi dibagi dua alu piring mega dibagi dua.Piring 5 x 8 alu tadi digaga dua itik.
Sitik ditinggal ba tubuh pentik penyaga alu sitik ba umai.Alu manok disayat sekali aja.Alu bulu manok nya tadi disengkelan ba pala pentik penyaga nya.Alu udahnya piring dengkah ba mua pentik penyaga pemali nya tadi.Alu sitik piring tadi alu dibai agai tengalan umai,
alu ia ke ngemai nya tadi alu nimang ngentak ke buluh nya tunsang maia nimang alu tu timang ia.

(Timang)

"Ni aki bunsu genali,

bunsu penyaga menua pemali,

kami minta endu labong besi,

nyaga umai ari pangka kudi,

ngenangi padi selepek,

enda murai enyau mepek,

ketegal pangka ribut kudi,

ngenangi kami enda bulih padi ke agi,

ngicha kami bulih idup kediri,

enda mudek ketegal nadai asi,

aram meh aram endu labong besi,

nyeretai aku nyaga umai engai kediri,

Aram meh aram endu pentik,

tu aku ngambi ngena piring sekali,

Aram meh aram nyeretai ku sekali".

Datai ba umai diak ia ke ngempu piring nya tadi alu ngengkah piring nya ba teresang peniki umai ia.Alu nyengkelan ke tiang teresang nya alu langkau umai nyentuk ke punjung umai.Pengudah nya diak ia pulai nengah tebing umai ia.Enda tau sekali nengah umai nya.Alu penti ia,tengalan umai nya enda tau ditiki sapa sapa mensia kandang meniga ari tauka seminggu nitih pemesai umai nya.Nyadi ba kandang tiga ari nya,enti bisi mensia mansa umai ia diak mensia ka kena ukum ketegal ngelaban pentik penyaga pemali umai ia.Nyadi menya,orang ngena pentik baya tu kena nyaga umai laban jaga pentik baya tu kul,lebuh ari kudik tauka ujan kasak amai,padi ba umai tadi enda patah tangkai enda selepek kiba kanan ketegal tuju ribut tauka tinggang ujan.Kala orang katuai ngaga pentik maioh macham baka jelu nyumbuh tang jaga pentik nyumbuh nya enda manah,padi ba umai enyau ambis rarah daun maia kena pangka kudik enggau ujan.Bisi kaduak ia ngaga pentik ari jelu bukai mega tang sama mega,padi ambis rebah mepek,enyau ambis baka dirembang kiba kanan.Pemuas ngaga pentik penyaga pemali umai diak bala sida katuai tegaga ke pentik baya alu sida ia puas ati meda padi ba umai agi manah nadai selepek tauka baka dirembang kin kia semina padi nya tadi baka besuran aja digulu tang pun padi enda rebah agi tegap enda patah tangkai.Nyadi tu meh penerang aku ba senentang tu,ngicha bala kaduak ia ke ngaga spekulasi maioh macham nya,nemu reti pentik penyaga pemali umai ba bansa kitai iban.Kitai iban terubah ngaga tu maia agi ba menua Kelia tang sayau utai tu enda dijaga manah alu endur nya repa mega alu ditinggang punggo kayu ngejung nadai ditemu agi.Pentik Penyaga tu mega tau dikena nyelap ke menua mega enti suah kudik menua diak orang katuai kelia ngaga piring alu nimang ba mua pentik nya.Nya aja penerang aku Ke pagi tu. Aku mina madah ba kenang aku ke pagi tu.

#kenanglemambang