Tampung baru (Jerita Bujang Liba) Tusun 7
Tampung baru (Jerita Bujang Liba) Tusun 7
Diak Keling nadai maioh jako alu ambi ia pengaroh ajih ia empu alu disampi ia ba tanah peda tak sengenyap senentang emperan nya nadai ujan enggau ribut, tak alit ati magang sida ia meda leka ujan baka ngelari kediri ari ninggang emperan nya ari peda pancar unggun api Keling.
Udah nya sida Uchu Pungga, Ukam, Laja enggau Bujang Lemandau alu mulai kediri ke langkau diri empu tang penyelai baru ga nyadi, tak semua ai ujan ti ngemasah langkau, perengka senentang emperan langkau pengayau tak niki magang katas alu terebai nitih leka ujan kabukai.
Nyadi malam nya Bujang Sebalu Ngenang ngasuh bala pengayau peyidik nuju agai endur munsuh laban dasuh nyidik bakani gaya antu gerasi enggau remaong gerasi enggau munsuh maia nya. Nyadi Bungai Nuing, Bujang Liba enggau Entabai pen enggau sida nya,sereta meda apai ambu ia enggau Tuai Kayau Tujuh Ari Tujuh Malam alu angkat ari penindok alu madah diri ka enggau nyidik rumah munsuh.
Tang Keling enda ngasoh sida enggau tang majak sida minta kasih ka enggau. Meda bakanya Diak Keling ngasuh sida enggau aja tang Tuai Kayau kabukai majak nganu Entabai tang ditimbal Bujang Sebalu Ngenang, bisi pemanah enti Entabai enggau sida ia nyidik kin ko Bujang Sebalu Ngenang laban Bujang Liba enggau Bujang Lemandau ulih besadong jerita enti sida bisi penusah ba rantau jalai.
Meda baka diak Keling bado memunyi agi alu ngemai sida. Datai sida ba pemendai diak sida nyau terkenyit meda ai bah nyau ngilah pucuk Mulong pemesai ai bah tang sida benasib laban langkau sida pengayau ba emperan ke tinggi ari ampuh bah.
Meda baka nya diak Keling enggau Tuai Kayau Panggau Sebayan ngemai bala penyidik nikal pulai baru alu madah agai Tuai Kayau kabukai ti sungai bah naka pemesai.Tudah Laja alu ngasuh sida tindok aja laban pagila sida ia ulih nyidik menua munsuh.
Nyadi malam nya sida pen tindok alu Keling, Bujang, Liba enggau Bungai Nuing pen tindok ngimbai Guntur ti tindok ba langkau digaga Keling enggau Andak tadi.
Ari pan nyau malam, malam beganti siang. Burung tumu pagi udah memunyi ngiga pemakai, enda berasai ari pan udah tawas. Diak tadi Bujang Liba enggau sida kabukai alu encelak mata ninga munyi pengerak burung bemunyi pagi nyau ngeregau dinihari alu ia nilik ke pemendai langkau meda ai sungai agi bah.
Diak Bujang Lemandau enggau Igat Mata Leka alu ngidup ke api tempara kena berkindu kena ngangat ke esik laban pagi nya naka penyelap sereta naing pansuh jani kemari. Nyadi sida kebukai bedau agi tindok laban pagi nya naka penyelap ketegal semalam malam ujan, enggi tudah Guntur enggau Bungai Nuing bendar melukuk ke tubuh berpua ngapus ke tubuh laban celap.Semina Tuai Kayau kabukai, Keling, Bujang Liba, Entabai, Bujang Lemandau ke dani tumu maia pagi nya alu bala penyaga agi tindok ketegal celap mai ke malam tadi.
Udah sida Keling ngidup api tempara diak, ia alu ngidup tempara bala pengayau kebukai ,udah kena daing pengangat api nyau majak agi keduak ka tindok. Nyepi bisi kena daing pengangat diak Bungai Nuing enggau Bujang Sebalu Ngenang terdani alu malik ke tempara diak ia meda anak ia Bujang Liba benung kiruh ngalih ke pansuh lauk jani, malik ia ke tisi diak ia meda tudah Guntur dani alu duduk ngimbai Bungai Nuing ti benung duduk berkindu ba api tempara.
Seduai ia enda bejako dipeda Keling ari jauh lalu meda Guntur murus pala Bujang Liba. Lebuh meda pemanah Guntur enggau Bujang Liba ,diak Keling nyau belai ai mata laban ngenang Guntur ari mit nyentuk ka berangkat bujang.
Udah nya diak Bujang Liba, laban lemai negi bisi Antu Jai Gamal atai agai bala munsuh laban bisi rami ba rumah panjai antu gerasi remaung setengah mensia nyadi ke malam negi ti ba Rumah Panjai Gerasi Remaung Setengah Mensia laban siko orang bujang langit ngambi anak dara Gerasi Remaong Setengah Mensia ngena pala ti ulih ia mumpung pala bansa dayak.
Keling, Bujang Liba enggau Bujang Sebalu Ngenang, pia mega Tuai Kayau bukai bulih berita nya ari Bunsu Antu Indu demalam lebuh sida nurun ka ngabas ka meda rumah panjai munsuh baruh tangga langit diak ia bersampi ngasuh Bunsu Antu Indu nya nulung ia nyidik sereta meda rumah panjai bala munsuh.
Lebuh Bujang Liba, pia mega pdngayau bukai tindok diak bermimpi Bunsu Antu Indu nya madah utai baka nya enggau ia demalam tadi.
Tampung baru Tusun 8 ila auk, aku ka mupok tindok dulo.
Terima kasih auk.
#KenangLemambang
Baruh tu semina gambar pengias aja. (Papan Turai Lemambang)
Diak Keling nadai maioh jako alu ambi ia pengaroh ajih ia empu alu disampi ia ba tanah peda tak sengenyap senentang emperan nya nadai ujan enggau ribut, tak alit ati magang sida ia meda leka ujan baka ngelari kediri ari ninggang emperan nya ari peda pancar unggun api Keling.
Udah nya sida Uchu Pungga, Ukam, Laja enggau Bujang Lemandau alu mulai kediri ke langkau diri empu tang penyelai baru ga nyadi, tak semua ai ujan ti ngemasah langkau, perengka senentang emperan langkau pengayau tak niki magang katas alu terebai nitih leka ujan kabukai.
Nyadi malam nya Bujang Sebalu Ngenang ngasuh bala pengayau peyidik nuju agai endur munsuh laban dasuh nyidik bakani gaya antu gerasi enggau remaong gerasi enggau munsuh maia nya. Nyadi Bungai Nuing, Bujang Liba enggau Entabai pen enggau sida nya,sereta meda apai ambu ia enggau Tuai Kayau Tujuh Ari Tujuh Malam alu angkat ari penindok alu madah diri ka enggau nyidik rumah munsuh.
Tang Keling enda ngasoh sida enggau tang majak sida minta kasih ka enggau. Meda bakanya Diak Keling ngasuh sida enggau aja tang Tuai Kayau kabukai majak nganu Entabai tang ditimbal Bujang Sebalu Ngenang, bisi pemanah enti Entabai enggau sida ia nyidik kin ko Bujang Sebalu Ngenang laban Bujang Liba enggau Bujang Lemandau ulih besadong jerita enti sida bisi penusah ba rantau jalai.
Meda baka diak Keling bado memunyi agi alu ngemai sida. Datai sida ba pemendai diak sida nyau terkenyit meda ai bah nyau ngilah pucuk Mulong pemesai ai bah tang sida benasib laban langkau sida pengayau ba emperan ke tinggi ari ampuh bah.
Meda baka nya diak Keling enggau Tuai Kayau Panggau Sebayan ngemai bala penyidik nikal pulai baru alu madah agai Tuai Kayau kabukai ti sungai bah naka pemesai.Tudah Laja alu ngasuh sida tindok aja laban pagila sida ia ulih nyidik menua munsuh.
Nyadi malam nya sida pen tindok alu Keling, Bujang, Liba enggau Bungai Nuing pen tindok ngimbai Guntur ti tindok ba langkau digaga Keling enggau Andak tadi.
Ari pan nyau malam, malam beganti siang. Burung tumu pagi udah memunyi ngiga pemakai, enda berasai ari pan udah tawas. Diak tadi Bujang Liba enggau sida kabukai alu encelak mata ninga munyi pengerak burung bemunyi pagi nyau ngeregau dinihari alu ia nilik ke pemendai langkau meda ai sungai agi bah.
Diak Bujang Lemandau enggau Igat Mata Leka alu ngidup ke api tempara kena berkindu kena ngangat ke esik laban pagi nya naka penyelap sereta naing pansuh jani kemari. Nyadi sida kebukai bedau agi tindok laban pagi nya naka penyelap ketegal semalam malam ujan, enggi tudah Guntur enggau Bungai Nuing bendar melukuk ke tubuh berpua ngapus ke tubuh laban celap.Semina Tuai Kayau kabukai, Keling, Bujang Liba, Entabai, Bujang Lemandau ke dani tumu maia pagi nya alu bala penyaga agi tindok ketegal celap mai ke malam tadi.
Udah sida Keling ngidup api tempara diak, ia alu ngidup tempara bala pengayau kebukai ,udah kena daing pengangat api nyau majak agi keduak ka tindok. Nyepi bisi kena daing pengangat diak Bungai Nuing enggau Bujang Sebalu Ngenang terdani alu malik ke tempara diak ia meda anak ia Bujang Liba benung kiruh ngalih ke pansuh lauk jani, malik ia ke tisi diak ia meda tudah Guntur dani alu duduk ngimbai Bungai Nuing ti benung duduk berkindu ba api tempara.
Seduai ia enda bejako dipeda Keling ari jauh lalu meda Guntur murus pala Bujang Liba. Lebuh meda pemanah Guntur enggau Bujang Liba ,diak Keling nyau belai ai mata laban ngenang Guntur ari mit nyentuk ka berangkat bujang.
Udah nya diak Bujang Liba, laban lemai negi bisi Antu Jai Gamal atai agai bala munsuh laban bisi rami ba rumah panjai antu gerasi remaung setengah mensia nyadi ke malam negi ti ba Rumah Panjai Gerasi Remaung Setengah Mensia laban siko orang bujang langit ngambi anak dara Gerasi Remaong Setengah Mensia ngena pala ti ulih ia mumpung pala bansa dayak.
Keling, Bujang Liba enggau Bujang Sebalu Ngenang, pia mega Tuai Kayau bukai bulih berita nya ari Bunsu Antu Indu demalam lebuh sida nurun ka ngabas ka meda rumah panjai munsuh baruh tangga langit diak ia bersampi ngasuh Bunsu Antu Indu nya nulung ia nyidik sereta meda rumah panjai bala munsuh.
Lebuh Bujang Liba, pia mega pdngayau bukai tindok diak bermimpi Bunsu Antu Indu nya madah utai baka nya enggau ia demalam tadi.
Tampung baru Tusun 8 ila auk, aku ka mupok tindok dulo.
Terima kasih auk.
#KenangLemambang
Baruh tu semina gambar pengias aja. (Papan Turai Lemambang)
Ulasan
Catat Ulasan