Jerita Bujang Liba Tusun 16
Diak sida ngetu alu Uchu Pungga enggau Bujang Liba pia mega Lulong nyerauh ngasuh orang nya pansut ari belalai merati sida ia.Semina Guntur enda engkretik memunyi. Diak tak terkenyit sida meda Bunsu Nyemayar bebesai (Antu Nyemayar nyadi mensia) ngau Bunsu Manang pansut ari selepak batu alu batu nya tadi angkat nyadi orang, naka pemaioh bala Bunsu Nyemayar nyadi mensia melulung sida tadi. Diak Bunsu Manang ngau Bunsu Nyemayar smina bejako betelai aja. Nadai dinga seduai nya bejako.
Diak Bujang Liba nyintak ilang ia sereta meda ilang nya tadi diak Bunsu Nyemayar ngau Bunsu Manang, pia mega bala Antu Nyemayar lain asai. Datai tuai mua Bunsu Nyemayar ia alu ngasuh sida kabukai anang mansang ngampir sida Bujang Liba tadi. Diak apai tuai nyemayar tadi alu nanya sapa bagi anak mensia ti ngembuan ilang celum Sengalang Burung sereta tungkat mua ari Sempulang Gana ti bangat meri bulu peguk bediri darah berangat.
Bujang Liba madah penama diri alu madah penama orang ke enggau ia.Sereta ninga penama Bujang Liba diak apai tuai nyemayar tadi alu ngenung sereta mensia nyemayar kabukai alu meri basa agai sida Bujang Liba. Bujang Liba alu nanya sapa penama apai tuai nya tadi diak apai tuai nya madah penama ia Legit Belit Nemu Beduan ketuai Nyemayar ba emperan bukit.
Udahnya, nama agi deh. Bujang Liba alu tuchum ninga penama Legit Belit Nemu Beduan enggau Bunsu Manang ti beberita ba ensera ketuai suba sereta ia nemu Bunsu Manang tu ripih orang Panggau Libau, taja pia tadi Bunsu Manang enda memunyi ari pun datai ka ujung. Laban ia kala meda Bujang Liba kala enggau sida bebatak ngayau maya nya". Kita nampung baru jerita tu tadi.
Bujang Liba pan alu nanya Bunsu Manang, nama pengawa ia sereta nanya ka kebuah penatai ia bisi ba menua urang Bunsu Nyemayar. Bunsu Manang pan alu madah ka ia munyi tu, "Aku bisi ditu, laban pejalai aku tu ka nemuai ka menua kitak. Ditu aku alu datai ba menua Bunsu Nyemayar, enda ga aku nemu diri nyau tama rembus menua urang, diak ia meda Apai tuai siko ngipa ia. Alu nanya ia tekala nya, Bunsu nyemayar nya ngiga urang ka nemu berubat". Ko Bunsu Manang, Bunsu Manang pan alu bejako baru, "Enti pia, enda jauh da agi pejalai aku, laban tu tua betemu ditu". Ko Bunsu Manang. Bujang Liba enda memunyi ninga jako ia munyi nya, pia mega sida tiga tadi. Nyo berunding ga tudah Bujang Liba ninga Bunsu Manang munyi nya. Kasih tudah tuai, kin kiak ngubat urang. Kira pia meh runding Bujang Liba tadi. Enggai meda urang sakit, alu ka digerai ka ia enggau Utai beri Bunsu Petara Manang ka ia.
Bah, kitai pulai ke jerita Bujang Liba tadi. Meda baka nya saduai ia alu betabi jari alu Legit Belit Nemu Beduan nanya nama pejalai sida sabuat ngenyauh nya tesat lendat.
Diak Bujang Liba madah ia ngiga Rusa, Kijang enggau Babi kampung laban tetengguk ka makai isi rusa, salai kijang enggau babi kampung, meda baka nya diak Legit Belit Nemu Beduan ngemai sida ia tama agai menua sida Legit Belit Nemu Beduan ba Menua Belit kin.
Diak sida pen alu nitih Legit Belit Nemu Beduan kin, tama aja sida Bujang Liba, Lulong, Guntur enggau Uchu Pungga nyau terkenyit sida meda rampa menua Belit naka pemanah. Bungai baka rumput, menua nya cukup manah dipeda mata sida. Sereta sida datai ba rumah panjai Belit. Diak Bujang Liba enggau Guntur lama ngenung meda rumah panjai nya digaga ari kayu berdinding rumput berukir naka pemanah. Lulong enggau Uchu Pungga enda memunyi, semina mansut ka dua tiga leka jako, "apuuu indaiiiii" ko Lulong, pia mega Uchu Pungga pan munyi nya.
Pemaioh mensia (Bunsu Nyemayar) ngambat penatai sida ia naka pemaioh nya alu pejalai sida ditabur ngena bungai. Datai ba dalam bilik diak Bujang Liba enggau Guntur, Lulong enggau Uchu Pungga dasuh ngalu tama ke bilik besai. Gaga meh Legit Belit Nemu Beduan laban bisi temuai mensia ke beberita ti ditulung Petara Sempulang Gana Entara Menua enggau Petara Senggalang Burung Baruh Dunya enggau Langit sereta ditulong sida ari Panggau Libau enggau Gelong.
Datai ba bilik besai Legit Belit Nemu Beduan, udahnya sida diberi makai berlauk ke isi manuk kampung .Udah makai diak sida alu dibantai kajat sida Legit Belit, pia mega sida ka bukai nya diak ajat indu enggau lelaki ari menua Belit. Sida ia pan disadung indai tuai urang dia, ai tuak belit, ai gagak sida ari ai ujan, daun rangkai enggau asi pulut, beras. Dibai tauka diberi ari menua Tinting Putus (Panggau Libau) sereta digiga ba entara menua.
Sida pan alu ngirup ai tuak nyentuk ke tengah malam. Diak Lulong bejako enggau Bujang Liba, " belaie mata aku ngirup tuak belit , nyau gelesi, ngerenjang bulu aku ". Ko Lulong nelai Bujang Liba, sida kabukai nadai kretik. Tak ngirup aja, nadai nya ngira. Dibai mabuk, ka amat ngajat, ko Uchu Pungga. Ka nguji beduan Guntur. Kebatang endar, ka ngasuh Guntur nya ngajat. Diak Guntur alu ngajat, mansut ka bungai asal ajat ari menua Gelong. Diak sida Bunsu Nyemayar, nyau terangap meda ajat anak mensia, nyelai agi ari sida.Meda bakanya, sida chukup rindu. Meda ajat anak mensia.
Aku pan ka meh ngirup dulo, bisi ari kitai nampung baru jerita bujang liba tusun 17.
Bah, malam ari. Nganchau tikai kitai, meda lemambang main ramban ia diruai.
#KenangLemambang
FB KenangLemambang@SarawakDayaks
Baruh tu semina gambar pengias aja....
Diak sida pen alu nitih Legit Belit Nemu Beduan kin, tama aja sida Bujang Liba, Lulong, Guntur enggau Uchu Pungga nyau terkenyit sida meda rampa menua Belit naka pemanah. Bungai baka rumput, menua nya cukup manah dipeda mata sida. Sereta sida datai ba rumah panjai Belit. Diak Bujang Liba enggau Guntur lama ngenung meda rumah panjai nya digaga ari kayu berdinding rumput berukir naka pemanah. Lulong enggau Uchu Pungga enda memunyi, semina mansut ka dua tiga leka jako, "apuuu indaiiiii" ko Lulong, pia mega Uchu Pungga pan munyi nya.
Pemaioh mensia (Bunsu Nyemayar) ngambat penatai sida ia naka pemaioh nya alu pejalai sida ditabur ngena bungai. Datai ba dalam bilik diak Bujang Liba enggau Guntur, Lulong enggau Uchu Pungga dasuh ngalu tama ke bilik besai. Gaga meh Legit Belit Nemu Beduan laban bisi temuai mensia ke beberita ti ditulung Petara Sempulang Gana Entara Menua enggau Petara Senggalang Burung Baruh Dunya enggau Langit sereta ditulong sida ari Panggau Libau enggau Gelong.
Datai ba bilik besai Legit Belit Nemu Beduan, udahnya sida diberi makai berlauk ke isi manuk kampung .Udah makai diak sida alu dibantai kajat sida Legit Belit, pia mega sida ka bukai nya diak ajat indu enggau lelaki ari menua Belit. Sida ia pan disadung indai tuai urang dia, ai tuak belit, ai gagak sida ari ai ujan, daun rangkai enggau asi pulut, beras. Dibai tauka diberi ari menua Tinting Putus (Panggau Libau) sereta digiga ba entara menua.
Sida pan alu ngirup ai tuak nyentuk ke tengah malam. Diak Lulong bejako enggau Bujang Liba, " belaie mata aku ngirup tuak belit , nyau gelesi, ngerenjang bulu aku ". Ko Lulong nelai Bujang Liba, sida kabukai nadai kretik. Tak ngirup aja, nadai nya ngira. Dibai mabuk, ka amat ngajat, ko Uchu Pungga. Ka nguji beduan Guntur. Kebatang endar, ka ngasuh Guntur nya ngajat. Diak Guntur alu ngajat, mansut ka bungai asal ajat ari menua Gelong. Diak sida Bunsu Nyemayar, nyau terangap meda ajat anak mensia, nyelai agi ari sida.Meda bakanya, sida chukup rindu. Meda ajat anak mensia.
Aku pan ka meh ngirup dulo, bisi ari kitai nampung baru jerita bujang liba tusun 17.
Bah, malam ari. Nganchau tikai kitai, meda lemambang main ramban ia diruai.
#KenangLemambang
FB KenangLemambang@SarawakDayaks
Baruh tu semina gambar pengias aja....
Ulasan
Catat Ulasan