Jerita Bujang Liba Tusun 15

Pengudah sida tembu ngintu pengerami naku pala. Diak pagi sitik diak Bujang Liba ngemai Guntur enggau Uchu Pungga nurun begagai ba kampung puang laban lama udah Bujang Liba, Guntur enggau Uchu Pungga tetenguk ka makai isi rusa ngau salai kijang enggau babi kampung.

Nyadi diak sida engkira meh tudah sida tiga alu ngemai perengka baka beliung, sumpit, laja ipoh, duku ilang, nyabur, sangkuh, batu tekih, enggau perengka bukai.Amai Bujang Liba agi biak . Sida Guntur enggau Uchu Pungga enggau urang bukai ba menua nya meruan bebasa sereta sayau ke Bujang Liba laban Bujang Liba tu bisi ngembuan ati ti nelap sereta rindu bebakih.

Diak sida Bujang Liba sebilik sigi di sayau bala sida ia laban sida sebiliknya cukup mentas. Pemanah Lulong tauka madi Kumang enggau madi ambu sida ia Bujang Liba enggau sida ia baka sida sebilik enggau sida ia empu. Meda Bujang Liba nurun bejalai ngenumu pagi nya diak Lulong alu megai lengan Bujang Liba, alu madah ka enggau Bujang Liba. Diak Bujang Liba, semina madah munyi tu aja ngagai madi ia "Au, aram meh" ko Bujang Liba.

Gaga meh ati Lulong meda Bujang Liba ka ngemai enggau, alu terkenyit saduai Guntur enggau Uchu Pungga meda Lulong pen ari seberai reraoh madah ka enggau saduai. Nama agi deh alu segulai meh sida empat tadi nurun ke ulu Sungai Menyan, ka kulu kin. Datai din diak Guntur ngabas bubu ditan ia kemari, tak naka pemaioh ulih bubu nya tadi baka empurau ,tengadak, lelabi,enggau gerama ulih bubu nya tadi.

Naka pengaga ati sida tadi laban bubu ke udah di abas tadi nyau bulih utai ngemaioh nya nyau chelum idung. Laban Guntur tu sigi nyelai mimit ari urang bukai, pama ia bulih utai ngau kelalu gaga, tubuh Guntur ngema uyut sereta ikan dulih bubu tadi. Nyau kasih tudah Lulong meda nya tadi alu madah ke Guntur ia ka ngema uyut nya tadi. Diak Guntur madah munyi tu "bebagi meh tua, enda nuan alah ngema tu kediri aja. Aku tu seput seput ngena tu" ko Guntur madah ke Lulong.

Tak muntang diak Lulong madah ga, nimbal ia munyi tu "ni ka enda alah aku, tua ga bebagi. Anang ngema utai kediri aja" ko Lulong ga. Nyau ngaru pala, ngaga diri empu ngaru betis ga tudah Guntur tadi. Laban ke malu disaut indu munyi nya. Diak Guntur alu ketawa, laban enda alah tat ke ia. Lulong tuchum aja. Bah nampung baru jerita tadi. Diak seduai sama bela bema ngema uyut.

Udahnya diak sida alu ngintu ikan ba karangan sungai alu begiga ka buluh kena mansuh asi pulut enggau ikan sereta lelabi ke dulih bubu tadi nyadi ke dempa ke tengahari negi.
Sida ngiga kayu rangkai enggau rumut jurai kayu pansap alu ngiga buk aping kena ngidup ke api. Udah nya Uchu Pungga enggau Bujang Liba datai ngemai ai isi pun pajik ti dulih ia tadi. Seretai nekih batu tekih api diak api alu idup mimit alu dipanjah Bujang Liba ngena ai isi pun pajik ba api tadi peda api nyau ngebop besai.

Nama agi deh tak ditugung Guntur enggau Lulonh meh kayu ke rangkai tadi alu idup manah api, meda api idup manah diak pansuh ikan alu dasur ke api, ikan kaduak ditunu, alu Guntur ngaga tempara dapur kena nyalai ikan. udahnya pansuh mansau diak sida alu makai laban ka nyangkuh ngiga rusa udahnya.

Diak ikan disalai pen mansau disalai alu sida mupuk bejalai ke kampung puang ngiga rusa ngau babi kampung. Ambis resam ditengah ambis kampung puang ditengah nadai ga terpeda ke siku dua babi tauka rusa, tak sunyi kampung puang baka nadai jelu ba menua nya. Pemuas sida begiga ke jelu ti nadai ditemu diak sida ngetu ba anak sungai alu duduk baru alu makai.

Lebuh makai diak Bujang Liba ngasuh Lulong, Guntur enggau Uchu Pungga nya tadi pulai ke rumah dulu, alu Bujang Liba madah ka bemalam ba kampung puang seagi empai terulih ke rusa ngau babi kampung. Diak dulu Lulong yaut madah enggai pulai ke rumah panjai alu pia mega timbal Guntur enggau Uchu Pungga tadi. Meda sida tiga enggai pulai  diak Bujang Liba tuchum aja laban ia ka ngemai sida niki bukit ti tinggi pengudah makai tengahari kediato.

Bah nya aja auk, aku ka meh niki tangga tu, gawa. ila kitai betemu baru waii, lemai waiii..
ILa kitai begulai baru ba tampung ke tusun 16.

#KenangLemambang
#TerimaKasihNujuSemua

FB KenangLemambang@SarawakDayaks

Ulasan

Catat Ulasan

Catatan popular daripada blog ini

Jerita Igat Tarang enggau nembiak manchal (PEMULAI SEDUAI)

Imej
Udah Igat Tarang pulai ari langkau umai, diak ia bisi ngara Bunsu Bubut. Bacha abis auk jerita tu auk. Udahnya tadi sida benung nyenggai tudah Igat Tarang ti udah parai laban kena pansa utai ko sida. Nyadi pemarai Igat Tarang tu nyelai amai ,udah pulai ari langkau umai ba seberai sungai sida alu niki ke rumah panjai tadi alu kekesah minta sah enda sempat bejako diak ia alu luput tekalanya ba ruai alu jampat sida katuai. Tang enda sempat ngubat tudah Igat Tarang diak sida madah  Igat Tarang tu mati meh tadi. Mayuh meh orang nyabak ke Igat Tarang tu tadi laban sinu ke pemanah ia ,sereta bala kabukai bepadah kulu kili madah ke sepengabang sida semenua nya tadi madah ke Igat Tarang nya udah lesi. Keno ko orang tuai nusi, pemanah Igat Tarang tu amai besai sereta dikenangi maioh laban ia endang beberita manah ati sereta lempung tulang nulung bansa diri maia tusah. Nyadi mayuh meh orang datai ngesah pengerabat bala Igat Tarang tu tadi. Pemayuh kaban belayan sereta orang ke ngelala Igat
Baca lagi

Kebuah Besempama

(Kebuah Besempama) Urang Iban besempama ngambika ngayanka penalam enggau pemesai basa lebuh ke begulai enggau pangan diri, diri serumah, diri semenua tauka lebuh ngambat penatai temuai. Sempama tu baju basa ti diajar apai indai ngagai bala anak sida. Adat besempama nya adat basa ti endang dititi temali ari aki ini raban bansa Iban kelia. Sempama ulih dikena apai indai ngajar tauka meransang anak sida baik dalam ulah tauka dalam pelajar sekula. Sekeda chunto sempama ti ulih dikena bala apai indai meransang anak sida baka genggam bara api datai ke nyadi arang tauka baka tekura enggai enda tepantup ba bandir. Bala tuai mega ngelalau tauka meri jaku tangkan ngagai anak nembiak sida ngena jaku sempama. Sekeda sempama tau dijadika jaku tangkan dikena ngelalauka pendiau, ulah pengawa enggau jaku mensia siku-siku awakka enda tekelalu lunggar. Peratika chunto di baruh tu: 1. Anang baka kera naruk 2. Titihka ulah ti manah baka daun tangkup-daup Bansa Iban tebilang dipuji bala temuai ti
Baca lagi

Panjuk "TAJU" Remaung enggau balas Danjan

Imej
Kepuas ke bejalai, sida pan datai ba kaki bukit kenyalang. Enda jauh ari nya diak ai sungai Mali sereta dalam ai nya mayuh ikan enseluai, buing, kenyulung enggau ikan bukai. Enti benasib, suah mega sida bulih ikan besai. Lapa dih, sida Nyaing enggau Apung pan belabuh ngasu. Ke ulu, ke ili peda bisi amat bekau pelanduk. Ke ulu agi, bisi agi. Peda enda berasai bejalai kin kia nyau lucak bekau tanah ditujah sida. Asaika enggai mih sida pulai. Nyau bebungai asai ati. Benung bepilihka jelu ka disumpit, ka dipanjuk, ka ditikau enggau sankuh, dia siku antara sida ke benama Lungga Labi lalu bejaku, “Wai...nyau begeriuk perut aku. Tak enda ulih tat. Pulai dulu aku.” Amat ga tudah tuai, ketegal ke menawa lelabi, nya mih nangi takutka menawa lelabi nyau mulan tauka datai baru. Akih tu menawa mimit pemedis ia ari urang bukai, enda sebaka, laban kudah makai ludah lelabi menawa sereta bulih belama lelabi. Pia mega utai diketup ia ba nyawa, putus magang. Nya mih ia dikangau ka urang Lungga Labi.
Baca lagi