Bujang Liba Tusun 18 (ngenan panjuk betemu enggau Anak Dara Bunsu Ari) |

Ari pan nyau lemai, ditu aku nampung baru Jerita Bujang Liba (ENSERA).
Ditusi aku enggau pandak agi, ngambi enda bejurai kelalu lama. Apin lama udah nganti tusun kebaru ditu pansut.

Nyadi tudah Bujang Liba enggau bala madi ia (Urang Gelong) pulai menya ari menua Bunsu Nyemayar. Pagi sigi Bujang Liba bejalai kediri ba kampung puang. Maya nya kelia, Bujang Liba tu cukup beberita agi kelia nyentuk enti ninga penama is sigi gegetar ati ninga penama ia. Bujang Liba enda baka katuai iban bukai (Tuai Dayak/Tuai Burung/Tuai Adat) agi kelia ti ngembuan pengerengkar ba tubuh.

 Bujang Liba sigi dikenakut ari pemanah basa sereta enti di indik sigi cukup rengkar alu sigi dipunas ia sitik menua nya enti bisi ngacau menua. Kelimpah ari nya Bujang Liba tu ukai semina Uchu Ambu Raja Sua (Sempulang Gana) enggau Sengalang Burung, sereta mayuh mimpi enggau tulung Bunsu Petara (Panggau Libau enggau Gelong), Petara bukai, petara lama, petara kelia enggau aki ini, sereta sida ka lama udah padam (Panggau Sebayan).

 Pemanah enggau penyayau Bujang Liba enyau meri bala dayak kabukai rindu ke ia. Nyadi enyau maioh semaioh bala dayak kabukai ti empai serakup enggau sida ia enyau majak pindah agai Ulu Sungai Menyan laban rindu agi bertampung sama menua enggau Bujang Liba.

Nyadi tumu pagi sigi Bujang Liba kediri ngenan panjuk (Digaga ngena panjuk) enggau ngenan ginti din. Ia ngemai ukoi inang ia empu. Lebuh ngabas utai detan ia din. Bujang Liba ngemai bekal asi sereta dibungkus ba daun biro. Diak Bujang Liba bejalai nengah kampung puang kediri aja sereta bala ukoi ia sigi dulu beari ari. Datai panjuk jelu. Dia ia meda panjuk ia terumpang tadi dengkah ba batu besai. Alu kerebak ke Bujang Liba ga panjuk ia tadi peda tak bisi tulang jelu enggau kerubung tekuyung aja.

Meda bakanya tadi, panjuk ia detan kia baru digaga baru. Udah tembu ngenan panjuk diak Bujang Liba ngabas ginti ia tang semina tinggal baung ginti aja, nyadi baung ginti ia tu nyelai mimit. Laban bisi kena ia ngelai ginti ia empu, ditancang ia ubung mansau. Ngujung Bujang Liba ringat alu nempalong ke pun kayu agai lubuk menakah menua rembus, bisi dua sera. Ambis meh pun kayu. Nyau tawas meh utai dalam kampung puang din. Diak Bujang Liba berniat ka ngipa orang ke ngayah ia bakanya,nyau bebelas panjuk enggau ginti detan ia ambis de kachau utai.

Pemedis ati Bujang Liba enyau majak agi pengudah panjok detan ia bulih jani tang iko jani ke tinggal ba panjok nya tadi. Meda baka nya diak alu mukut pun tapang enggau pun mulung bebesai dua pemerap damping panjok ia tadi peda kerebai daun tapang enggau daum mulung  labuh. Berguyap aja pun tapang enggau pun mulung enda ga ati Bujang Liba tu terpantup laban pegeringat, alu dicabut ia pun tapang enggau pun mulung nya tadi alu tempalong ia agai lubuk paya enggau lubuk sungai peda pun tapang bedegi kediri ba tuchung batu dalam sungai. Pun mulung dedegi ba lubuk paya, peda alit lubuk nya laban tanah paya. Dipeda Bujang Liba.

Pulai agai jerita Bujang Liba tadi diak Bujang Liba alu pulai ari Ulu Sungai Menyan. Datai dirumah ia alu engkira ka bemalam ba Ulu Sungai Menyan, dulu din. (Kampung Puang). Alu engkira ia tadi, sida sarumah enda memunyi meda gamal Bujang Liba bangat rerugum. Tembu engkira ke lemai nya diak Bujang Liba nurun kediri aja enda ngemai ukoi ia.

Nya aja auk, bisi ari aku nampung baru ensera Bujang Liba tusun ka 19.

FB/Group : KenangLemambang@SarawakDayaks
Email : KenangLemambang@gmail.com
Blog/Google : kenang-lemambang.blogspot.com

#KelingMenyan

Baruh tu semina gambar pengias aja.

Ulasan

Catat Ulasan

Catatan popular daripada blog ini

Jerita Igat Tarang enggau nembiak manchal (PEMULAI SEDUAI)

Imej
Udah Igat Tarang pulai ari langkau umai, diak ia bisi ngara Bunsu Bubut. Bacha abis auk jerita tu auk. Udahnya tadi sida benung nyenggai tudah Igat Tarang ti udah parai laban kena pansa utai ko sida. Nyadi pemarai Igat Tarang tu nyelai amai ,udah pulai ari langkau umai ba seberai sungai sida alu niki ke rumah panjai tadi alu kekesah minta sah enda sempat bejako diak ia alu luput tekalanya ba ruai alu jampat sida katuai. Tang enda sempat ngubat tudah Igat Tarang diak sida madah  Igat Tarang tu mati meh tadi. Mayuh meh orang nyabak ke Igat Tarang tu tadi laban sinu ke pemanah ia ,sereta bala kabukai bepadah kulu kili madah ke sepengabang sida semenua nya tadi madah ke Igat Tarang nya udah lesi. Keno ko orang tuai nusi, pemanah Igat Tarang tu amai besai sereta dikenangi maioh laban ia endang beberita manah ati sereta lempung tulang nulung bansa diri maia tusah. Nyadi mayuh meh orang datai ngesah pengerabat bala Igat Tarang tu tadi. Pemayuh kaban belayan sereta orang ke ngelala Igat
Baca lagi

Kebuah Besempama

(Kebuah Besempama) Urang Iban besempama ngambika ngayanka penalam enggau pemesai basa lebuh ke begulai enggau pangan diri, diri serumah, diri semenua tauka lebuh ngambat penatai temuai. Sempama tu baju basa ti diajar apai indai ngagai bala anak sida. Adat besempama nya adat basa ti endang dititi temali ari aki ini raban bansa Iban kelia. Sempama ulih dikena apai indai ngajar tauka meransang anak sida baik dalam ulah tauka dalam pelajar sekula. Sekeda chunto sempama ti ulih dikena bala apai indai meransang anak sida baka genggam bara api datai ke nyadi arang tauka baka tekura enggai enda tepantup ba bandir. Bala tuai mega ngelalau tauka meri jaku tangkan ngagai anak nembiak sida ngena jaku sempama. Sekeda sempama tau dijadika jaku tangkan dikena ngelalauka pendiau, ulah pengawa enggau jaku mensia siku-siku awakka enda tekelalu lunggar. Peratika chunto di baruh tu: 1. Anang baka kera naruk 2. Titihka ulah ti manah baka daun tangkup-daup Bansa Iban tebilang dipuji bala temuai ti
Baca lagi

Panjuk "TAJU" Remaung enggau balas Danjan

Imej
Kepuas ke bejalai, sida pan datai ba kaki bukit kenyalang. Enda jauh ari nya diak ai sungai Mali sereta dalam ai nya mayuh ikan enseluai, buing, kenyulung enggau ikan bukai. Enti benasib, suah mega sida bulih ikan besai. Lapa dih, sida Nyaing enggau Apung pan belabuh ngasu. Ke ulu, ke ili peda bisi amat bekau pelanduk. Ke ulu agi, bisi agi. Peda enda berasai bejalai kin kia nyau lucak bekau tanah ditujah sida. Asaika enggai mih sida pulai. Nyau bebungai asai ati. Benung bepilihka jelu ka disumpit, ka dipanjuk, ka ditikau enggau sankuh, dia siku antara sida ke benama Lungga Labi lalu bejaku, “Wai...nyau begeriuk perut aku. Tak enda ulih tat. Pulai dulu aku.” Amat ga tudah tuai, ketegal ke menawa lelabi, nya mih nangi takutka menawa lelabi nyau mulan tauka datai baru. Akih tu menawa mimit pemedis ia ari urang bukai, enda sebaka, laban kudah makai ludah lelabi menawa sereta bulih belama lelabi. Pia mega utai diketup ia ba nyawa, putus magang. Nya mih ia dikangau ka urang Lungga Labi.
Baca lagi